வெஸ்ட் இண்டீஸில் சுற்றுப்பயணம் மேற்கொள்ளும் தென் ஆப்பிரிக்க மகளிர் அணி!

வெஸ்ட் இண்டீஸ் - பாகிஸ்தான் மகளிர் அணிகளுக்கு இடையேயான தொடர் முடிவடைந்துள்ள நிலையில், தற்போது தென் ஆப்பிரிக்க அணியுடனான தொடரை நடத்தவுள்ளதாக வெஸ்ட் இண்டீஸ் கிரிக்கெட் வாரியம் தெரிவித்துள்ளது.

அதன்படி தென் ஆப்பிரிக்க மகளிர் அணி வெஸ்ட் இண்டீஸில் சுற்றுப்பயணம் செய்து 5 ஒருநாள் 3 டி20 போட்டிகள் கொண்ட தொடரில் விளையாடவுள்ளது. 

இத்தொடரானது ஆகஸ்ட் 31ஆம் தேதி முதல் தொடங்கும் என வெஸ்ட் இண்டீஸ் கிரிக்கெட் வாரியம் அறிவித்துள்ளது. மேலும் இத்தொடரனான அடுத்த ஆண்டு நியூசிலாந்தில் நடைபெறும் மகளிர் உலகக்கோப்பை தொடருக்கு தகுதி பெறும் போட்டியாக நடத்தப்படும் என்று தெரிவித்துள்ளது.

அதன்படி இரு அணிகளுக்கும் இடையேயான டி20 தொடர் ஆகஸ்ட் 31, செப்டம்பர் 2 மற்றும் 4 ஆகிய தேதிகளிலும், ஒருநாள் தொடரானது செப்டம்பர் 7, 10, 13, 16 மற்றும் 19 ஆகிய தேதிகளிலும் நடைபெறும் என்று வெஸ்ட் இண்டீஸ் கிரிக்கெட் வாரியம் அறிவித்துள்ளது.