AUS vs SL: இலங்கை அணிக்கு தற்காலிக பயிற்சியாளர் நியமனம்!

இலங்கை அணி அடுத்த மாதம் ஆஸ்திரேலியாவில் சுற்றுப்பயணம் செய்து 5 போட்டிகள் கொண்ட டி20 தொடரில் விளையாடவுள்ளது.

பிரவரி 11ஆம் தேதி தொடங்கும் இத்தொடரானது பிப்ரவரி 20ஆம் தேதிவரை நடைபெறவுள்ளது. மேலும் இப்போட்டிகள் அனைத்தும் சிட்னி, மனுகா ஓவல், மெல்போர்ன் கிரிக்கெட் மைதானத்திலும் நடைபெறவுள்ளன.

இந்நிலையில் இத்தொடரில் பங்கேற்கும் தசுன் ஷானகா தலைமையிலான இலங்கை அணி இன்று அறிவிக்கப்பட்டுள்ளது. இதற்கிடையில் இத்தொடருக்கான இலங்கை அணியின் தற்காலிக பயிற்சியாளராக ருமேஸ் ரத்நாயக்க நியமிக்கப்பட்டுள்ளார்.

தற்போது 58 வயதாகும் ருமேஸ் ரத்நாயக்க இலங்கை அணிக்காக 1982 முதல் 1993 ஆம் ஆண்டு வரை 23 டெஸ்ட், 70 ஒருநாள் போட்டிகளில் விளையாடியுள்ளார் என்பது குறிப்பிடத்தக்கது.