மனைவியுடன் இணைந்து நடனமாடிய சூர்யகுமார் யாதவ்; வைரல் காணொளி!
இந்திய அணியின் மிடில் ஆர்டர் பேட்ஸ்மேன் சூர்யகுமார் யாதவ். இலங்கை சுற்றுப்பயணத்திற்கான இந்திய அணியில் இடம்பெற்ற இவர் சிறப்பான ஆட்டத்தை வெளிப்படுத்தி, ஒருநாள் தொடரை வெல்ல முக்கிய காரணமாக அமைந்தார்.
இந்நிலையில் இங்கிலாந்து டெஸ்ட் தொடருக்கான இந்திய அணியில் இடம்பெற்றிருந்த ஷுப்மன் கில், வாஷிங்டன் சுந்தர், ஆவேஷ் கான் ஆகிய வீரர்கள் காயமடைந்ததன் விளைவாக, அவர்களுக்கு மாற்று வீரர்களாக பிரித்வி ஷா மற்றும் சூர்யகுமார் யாதவ் அறிவிக்கப்பட்டதையடுத்து, இருவரும் இலங்கையிலிருந்து நேரடியாக இங்கிலாந்து சென்றனர்.
முன்னதாக இங்கிலாந்து சுற்றுப்பயணத்தில் இடம்பெற்றுள்ள வீரர்கள், அவர்கள் குடும்பத்தினரை அழைத்துச்செல்ல அனுமதியளிக்கப்பட்டது. எனவே சூர்யகுமார் யாதவின் மனைவி தேவிஷா ஷெட்டியும் இங்கிலாந்து சென்றார்.
அதன்படி லண்டனில் தனிமைப்படுத்துதல் காலத்தை முடித்த தேவிஷா ஷெட்டியை சூர்யகுமார் யாதவ் இன்று சந்தித்தார். கிட்டத்திட்ட 65 நாட்களுக்கு பிறகு மனைவியை சந்தித்த மகிழ்ச்சியில் அவருடன் நடனமாடி மகிழந்த சூர்யகுமார் யாதவ், அக்காணொளியை சமூக வலைதளத்திலும் பகிர்ந்துள்ளார்.
தற்போது அவர்கள் இருவரும் நடனமாடிய காணொளி சமூக வலைதளங்களில் வைரலாகி பரவி வருகிறது.