டி20 உலகக்கோப்பை: ஷம்ஸி, பிரிட்டோரியஸ் பந்துவீச்சில் வீழ்ந்தது இலங்கை!

டி20 உலகக்கோப்பை தொடரில் இன்று நடைபெற்று வரும் 25ஆவது லீக் ஆட்டத்தில் தென் ஆப்பிரிக்கா - இலங்கை அணிகள் பலப்பரீட்சை நடத்தி வருகின்றன. இதில் டாஸ் வென்ற தென் ஆப்பிரிக்க அணி முதலில் பந்துவீச தீர்மானித்தது. 

அதன்படி களமிறங்கிய இலங்கை அணியில் குசால் பெரேரா, சரித் அசலங்கா, பனுகா ராஜபக்ஷ ஆகியோர் சொற்ப ரன்களில் ஆட்டமிழந்து ஏமாற்றமளித்தனர். 

இருப்பினும் மறுமுனையில் அதிரடியாக விளையாடி வந்த பதும் நிஷங்கா அரைசதம் அடித்து அசத்தினார். அதன்பின் 72 ரன்களில் நிஷங்காவும் பிரிட்டோரியஸ் பந்துவீச்சில் விக்கெட்டை இழந்தார். 

இதையடுத்து களமிறங்கிய இலங்கை வீரர்கள் ஷம்ஸி, பிரிட்டோரியஸின் அபாரா பந்துவீச்சை எதிர்கொள்ள முடியாமல் அடுத்தடுத்து விக்கெட்டுகளை இழந்தனர். 

Also Read: டி20 உலகக் கோப்பை 2021

இதனால் 20 ஓவர்கள் முடிவில் இலங்கை அணி அனைத்து விக்கெட்டுகளையும் இழந்து 142 ரன்களை மட்டுமே சேர்த்தது. தென் ஆப்பிரிக்க அணி தரப்பில் பிரிட்டோரியஸ், தப்ரைச் ஷம்ஸி தலா 3 விக்கெட்டுகளைக் கைப்பற்றினர்.