டி20 உலகக்கோப்பை: நிஷங்கா, அசலங்கா அதிரடியில் இமாலய இலக்கை நிர்ணயித்த இலங்கை!

டி20 உலகக்கோப்பை தொடரில் இன்று நடைபெற்றுவரும் 35ஆவது லீக் ஆட்டத்தில் வெஸ்ட் இண்டீஸ் - இலங்கை அணிகள் விளையாடி வருகின்றன. இதில் டாஸ் வென்ற வெஸ்ட் இண்டீஸ் அணி முதலில் பந்துவீசியது. 

அதன்படி களமிறங்கிய இலங்கை அணிக்கு பதும் நிஷங்கா - குசால் பெரேரா இணை அதிரடியான தொடக்கத்தை வழங்கியது. இதில் பெரேரா 29 ரன்களில் ஆட்டமிழக்க மறுமுனையிலிருந்து நிஷங்கா அரைசதம் அடித்த கையோடு ஆட்டமிழந்து வெளியேறினார். 

அதன்பின்னர் களமிறங்கிய சரித் அசலங்கா அதிரடியான ஆட்டத்தை வெளிப்படுத்தி அரைசதம் கடந்ததோடு அணியின் ஸ்கோரையும் மளமளவென உயர்த்தினார். பின் 68 ரன்கள் அடித்திருந்த அசலங்கா ரஸ்ஸல் பந்துவீச்சில் ஆட்டமிழந்தார். 

Also Read: T20 World Cup 2021

இதனால் 20 ஓவர்கள் முடிவில் இலங்கை அணி 3 விக்கெட்டுகளை மட்டும் இழந்து 189 ரன்களைச் சேர்த்தது. இதையடுத்து கடின இலக்கை நோக்கி வெஸ்ட் இண்டீஸ் அணி களமிறங்கவுள்ளது.