டி20 உலகக்கோப்பை: பாபர் ஆசாம், மாலிக் அசத்தல், கடின இலக்கை நிர்ணயித்தது பாகிஸ்தான்!

டி20 உலகக்கோப்பை தொடரின் சூப்பர் 12 சுற்றில் இன்று நடைபெற்றுவரும் 12ஆவது லீக் ஆட்டத்தில் பாகிஸ்தான் - ஸ்காட்லாந்து அணிகள் விளையாயி வருகின்றன. 

இப்போட்டியில் டாஸ் வென்று பேட்டிங்கைத் தேர்வு செய்த பாகிஸ்தான் அணியின் முகமது ரிஸ்வேன் 15 ரன்னிலும், ஃபகர் ஸமான் 8 ரன்னிலும் ஆட்டமிழந்து ஏமாற்றமளித்தனர். 

அதன்பின் ஜோடி சேர்ந்த கேப்டன் பாபர் ஆசம் - முகமது ஹபீஸ் இணை அதிரடியாக விளையாடி அணியின் ஸ்கோரை உயர்த்தியது. இதில் ஹபீஸ் 31 ரன்னில் விக்கெட்டை இழக்க, மறுமுனையில் பாபர் ஆசாம் அரைசதம் கடந்து அசத்தினார். 

இதையடுத்து பாபர் ஆசாமும் 66 ரன்களில் ஆட்டமிழந்து வெளியேறினார். இறுதியில் சோயிப் மாலிக் தனத் பங்கிற்கு பவுண்டரிகளை விளாசி அரைசதம் அடித்து எதிரணி பந்துவீச்சாளர்களை ஸ்தம்பிக்கச் செய்தார். 

Also Read: T20 World Cup 2021

இதனால் 20 ஓவர்கள் முடிவில் பாகிஸ்தான் அணி 4 விக்கெட்டுகளை மட்டும் இழந்து 189 ரன்கலைச் சேர்த்தது. இதில் அதிகபட்சமாக பாபர் ஆசாம் 66 ரன்களையும், சோயிப் மாலிக் 54 ரன்களையும் சேர்த்தனர்.