புதிய உச்சம் கண்ட இந்தியா - பாகிஸ்தான் போட்டி!

கடந்த மாதம் 24-ம் தேதி டி20 உலகக் கோப்பைப் போட்டியில் சூப்பர்-12 சுற்றில் குரூப்-2 பிரிவில் இந்தியா, பாகிஸ்தான் அணிகள் மோதின. இரு அணிகளும் 2 ஆண்டுகளுக்குப்பின் மீண்டும் சந்திப்பதால், இரு நாடுகளைச் சேர்ந்த ரசிகர்கள் மட்டுமின்ற, உலகெங்கும் இருக்கும் கிரிக்கெட் ரசிகர்களாகலும் இந்தப் போட்டி பெரிதும் ஈர்க்கப்பட்டது, எதிர்பார்க்கப்பட்டது.

இந்த ஆட்டத்தில் பாகிஸ்தான் அணியிடம் 10 விக்கெட் வித்தியாசத்தில் இந்திய அணி தோல்வி அடைந்தது. அதைத்தொடர்ந்து நியூஸிலாந்து அணியிடமும்8 விக்கெட்டில் இந்திய அணி தோற்றதால், உலகக் கோப்பைப் போட்டியிலிருந்தே வெளியேற வேண்டிய சூழல் ஏற்பட்டது.

இந்தியா, பாகிஸ்தாந் கிரிக்கெட் போட்டியை உலகெங்கும் 16.70 கோடி ரசிகர்கள் பார்த்துள்ளனர். இன்றுவரை டி20 போட்டிகளிலேயே அதிகமாக பார்த்து ரசிகப்பட்ட போட்டியாக இது தற்போது மாறியுள்ளது. இதற்கு முன் கடந்த 2016ஆம் ஆண்டு டி20 உலகக் கோப்பைப் போட்டியில் இ்ந்தியா, வெஸ்ட் இண்டீஸ் அணிகளுக்கு இடையிலான டி20 போட்டிதான் ரசிகர்களால் அதிகமாகப் பார்கப்பட்ட போட்டியாக இருந்தது.

Also Read: T20 World Cup 2021

இந்தப் போட்டியை 13.60கோடி ரசிகர்கள் பார்த்தனர்.அந்த சாதனையையும் தற்போது, இந்தியா, பாகிஸ்தான் போட்டி முறியடித்துவிட்டது. டி20 உலகக் கோப்பை தொடங்கப்பட்ட கடந்த வாரம்வரை உலகெங்கும் 23.80 கோடி ரசிகர்கள் பார்த்து ரசி்த்துள்ளனர் என்று ஸ்டார் ஸ்போர்ட்ஸ் நிறுவனம் தெரிவித்துள்ளது.