காமன்வெல்த் கிரிக்கெட் 2022: முதல் ஆட்டத்தில் இந்தியா - ஆஸ்திரேலியா!

22-ஆவது காமன்வெல்த் விளையாட்டுப் போட்டிகள், நடப்பாண்டு ஜூலை 22ஆஆம் தேதி தொடங்கி ஆகஸ்ட் 8ஆம் தேதி வரை இங்கிலாந்தின் பர்மிங்ஹாம் நகரில் நடைபெறவுள்ளது. இந்த முறை மகளிா் டி20 கிரிக்கெட்டும் ஒரு விளையாட்டாக சோ்க்கப்பட்டுள்ளது.

காமன்வெல்த் விளையாட்டுப் போட்டிகளில் கிரிக்கெட் சோ்க்கப்பட்டிருப்பது இது 2ஆஆவது முறையாகும். இதற்கு முன், முதல் முறையாக கடந்த 1998-இல் கோலாலம்பூரில் நடைபெற்ற போட்டியில் ஆடவா் கிரிக்கெட் 50 ஓவா் ஆட்டமாக விளையாடப்பட்டது. அதில் ஆஸ்திரேலியாவை வீழ்த்தி ஷான் பொல்லாக் தலைமையிலான தென் ஆப்பிரிக்க அணி தங்கம் வென்றிருந்தது.

இந்நிலையில், 24 ஆண்டுகளுக்குப் பிறகு காமன்வெல்த் விளையாட்டுப் போட்டிகளில் தற்போது கிரிக்கெட் சோ்க்கப்பட்டுள்ளது. இந்தப் போட்டிக்காக ஏற்கெனவே இந்தியா உள்பட 7 அணிகள் இணைந்திருந்தன. இந்நிலையில், இலங்கையும் சமீபத்தில் தகுதிச்சுற்று ஆட்டத்தில் வென்று தனக்கான இடத்தை உறுதி செய்து கடைசி அணியாக கடந்த வாரம் இணைந்தது.

அந்த அணியின் இணைப்புக்கு காமன்வெல்த் விளையாட்டு சம்மேளனம் அங்கீகாரம் அளித்ததை அடுத்து, தற்போது 8 அணிகள் இணைப்பு நிறைவடைந்துள்ளது. இதையடுத்து காமன்வெல்த் போட்டியில் நடைபெற இருக்கும் விளையாட்டுகளில் முதலாவதாக கிரிக்கெட்டில் பங்கேற்கும் அணிகளின் வரிசை முழுமையடைந்திருக்கிறது.

ஆட்டங்கள் முதலில் லீக் சுற்றாகவும், பிறகு நாக்அவுட் சுற்றாகவும் நடைபெறவுள்ளன. இறுதி ஆட்டம் ஆகஸ்ட் 7ஆம் தேதி நடைபெறவுள்ளது.

அட்டவணையின்படி இந்தியா முதலில் ஆஸ்திரேலியாவையும், பிறகு முறையே பாகிஸ்தான், பாா்படோஸ் அணிகளையும் சந்திக்கிறது.

அணிகள் விவரம்

குரூப் ‘ஏ’

• ஆஸ்திரேலியா
• இந்தியா
• பாகிஸ்தான்
• பாா்படோஸ்

குரூப் ‘பி’

• இங்கிலாந்து
• நியூஸிலாந்து
• தென் ஆப்பிரிக்கா
• இலங்கை

அட்டவணை (லீக் ஆட்டங்கள்)

• ஜூலை 29 - ஆஸ்திரேலியா - இந்தியா மாலை 4.30
• ஜூலை 29 - பாகிஸ்தான் - பாா்படோஸ் இரவு 11.30
• ஜூலை 30 - நியூஸிலாந்து - தென் ஆப்பிரிக்கா மாலை 4.30
• ஜூலை 30 - இங்கிலாந்து - இலங்கை இரவு 11.30
• ஜூலை 31 - இந்தியா - பாகிஸ்தான் மாலை 4.30
• ஜூலை 31 - பாா்படோஸ் - ஆஸ்திரேலியா இரவு 11.30
• ஆகஸ்ட் 2 - இங்கிலாந்து - தென் ஆப்பிரிக்கா மாலை 4.30
• ஆகஸ்ட் 2 - இலங்கை - நியூஸிலாந்து இரவு 11.30
• ஆகஸ்ட் 3 - ஆஸ்திரேலியா - பாகிஸ்தான் மாலை 4.30
• ஆகஸ்ட் 3  -இந்தியா - பாா்படோஸ் இரவு 11.30
• ஆகஸ்ட் 4 - தென் ஆப்பிரிக்கா - இலங்கை மாலை 4.30
• ஆகஸ்ட் 4 - இங்கிலாந்து - நியூஸிலாந்து இரவு 11.30

நாக்அவுட் சுற்று ஆட்டங்கள்

• ஆகஸ்ட் 6 - முதல் அரையிறுதி மாலை 4.30
• ஆகஸ்ட் 6 - 2ஆவது அரையிறுதி இரவு 11.30
• ஆகஸ்ட் 7 - வெண்கலப் பதக்க ஆட்டம் பிற்பகல் 3.30
• ஆகஸ்ட் 7 - இறுதி ஆட்டம் இரவு 10.30