டிஎன்பிஎல் 2021 : திண்டுக்கல் டிராகன்ஸை வீழ்த்தில் நெல்லை ராயல் கிங்ஸ் வெற்றி!

டிஎன்பிஎல் தொடரில் இன்று நடைபெற்ற 21ஆவது லீக் ஆட்டத்தில் திண்டுக்கல் டிராகன்ஸ் - நெல்லை ராயல் கிங்ஸ் அணிகள் விளையாடின. இதில் டாஸ் வென்ற நெல்லை அணி முதலில் பீல்டிங்கைத் தேர்வு செய்தது. 

இதையடுத்து களமிறங்கிய திண்டுக்கல் அணியில் ஹரி நிஷாந்த், சஞ்சய் ஆகியோர் சொற்ப ரன்களில் ஆட்டமிழந்து ஏமாற்றமளித்தனர். 

அதன்பின் ஜோடி சேர்ந்த மணி பாரதி - ஸ்ரீநிவாசன் இணை அபாரமாக விளையாடி அணியின் ஸ்கோரை உயர்த்தினர். இதில் மணி பாரதி 30 ரன்களில் ஆட்டமிழக்க, மறுமுனையிலிருந்து ஸ்ரீநிவாசன் அரைசதம் கடந்து அசத்தினார். 

இதன் மூலம் 20 ஓவர்கள் முடிவில் திண்டுக்கல் அணி 5 விக்கெட்டுகளை இழந்து 145 ரன்களைச் சேர்த்தது. இதில் அதிகபட்சமாக ஸ்ரீநிவாசன் 60 ரன்களைச் சேர்த்தார்.

இதையடுத்து இலக்கை நோக்கி களமிறங்கிய நெல்லை ராயல் கிங்ஸ் அணிக்கு கேப்டன் அபாரஜித் - சஞ்சய் யாதவ் இணை அதிரடியாக விளையாடி அணியை வெற்றிப் பாதைக்கு அழைத்துச் சென்றது. 

இதன் மூலம் 18. 5 ஓவர்களிலேயே நெல்லை அணி இலக்கை எட்டி, 5 விக்கெட் வித்தியாசத்தில் திண்டுக்கல் டிராகன்ஸ் அணியை வீழ்த்தியது. இந்த வெற்றியின் மூலம் நெல்லை ராயல் கிங்ஸ் அணி நடப்பு சீசனில் தனது இரண்டாவது வெற்றியைப் பதிவு செய்து அசத்தியது.