இணையத்தில் வைரலாகும் ஷிகா பாண்டேவின் பந்துவீச்சு!

ஆஸ்திரேலியா - இந்தியா மகளிர் அணிகளுக்கு இடையேயான இரண்டாவது டி20 போட்டி இன்று நடைபெற்றது. இப்போட்டியில் டாஸ் வென்ற ஆஸ்திரேலிய அணி முதலில் பந்துவீசியது. 

அதன்படி களமிறங்கிய இந்திய மகளிர் அணி 20 ஓவர்கள் முடிவில் 9 விக்கெட்டுகளை இழந்து 118 ரன்களை மட்டுமே சேர்த்தது. பின் எளிய இலக்கை நோக்கி களமிறங்கிய ஆஸ்திரேலிய அணி 19.1 ஓவர்களிலேயே இலக்கை எட்டி 4 விக்கெட் வித்தியாசத்தில் இந்திய அணியை வீழ்த்தியது. 

இந்நிலையில் இப்போட்டியின் போது முதல் ஓவரை வீசிய ஷிகா பாண்டே இரண்டாவது பந்திலேயே அலீசா ஹீலியை போல்டாக்கி வெளியேற்றினார். பந்து வைடாக செல்லும் என்று எதிர்பார்க்கப்பட்ட நிலையில் அது நேராக ஸ்டம்பை பதம் பார்த்தது. 

Also Read: இந்திய அணியின் இங்கிலாந்து சுற்றுப்பயணம், 2021

ஒருநிமிடம் என்ன நடந்தது என்றே தெரியாமல் அலீசா ஹீலி நடையைக் கட்டினார். தற்போது அலீசா ஹீலி போல்டாகி வெளியேறிய காணொளி இணையத்தில் வைரலாகி வருகிறது. மேலும் அபாரமாக பந்து வீசிய ஷீகா பாண்டேவிற்கு பாராட்டுகள் குவிந்து வருகின்றன.