வெஸ்ட் இண்டீஸ் vs இந்தியா, 4ஆவது டி20 போட்டி - போட்டி முன்னோட்டம் & ஃபேண்டஸி லெவன் டிப்ஸ்!

இந்திய கிரிக்கெட் அணி வெஸ்ட் இண்டீசில் சுற்றுப்பயணம் செய்து விளையாடி வருகிறது. டெஸ்ட் மற்றும் ஒரு நாள் போட்டி தொடர்களை இந்தியா கைப்பற்றியது. இரு அணிகளும் 5 போட்டிகள் கொண்ட 20 ஓவர் போட்டி தொடரில் விளையாடி வருகிறது. இத்தொடரின் முதல் 2 போட்டிகளில் வெஸ்ட் இண்டீஸ் வெற்றிபெற்றது. 3ஆவது போட்டியில் இந்தியா 7 விக்கெட் வித்தியாசத்தில் வென்றது.

இதனால் இத்தொடரில் வெஸ்ட் இண்டீஸ் 2-1 என்ற கணக்கில் முன்னிலையில் உள்ளது. இந்நிலையில்,  இந்தியா-வெஸ்ட் இண்டீஸ் அணிகள் மோதும் 4ஆவது 20 ஓவர் போட்டி நாளை நடக்கிறது. அமெரிக்காவின் புளோரிடா மாகாணத்திலுள்ள லாடர்ஹிலில் நடக்கும் இப்போட்டி இந்திய நேரப்படி நாளை இரவு 8 மணிக்கு தொடங்குகிறது. தொடரை இழக்காமல் இருக்க நாளைய ஆட்டத்தில் இந்தியா வெற்றி பெற வேண்டிய கட்டாயத்தில் உள்ளது.  அதேசமயம் வெஸ்ட் இண்டீஸ் அணி தொடரை கைப்பற்றும் முனைப்புடன் விளையாடவுள்ளது. 

போட்டி தகவல்கள்

• மோதும் அணிகள் - வெஸ்ட் இண்டீஸ் vs இந்தியா
• இடம் - லாடர்ஹில், ஃபுளோரிடா
• நேரம் - இரவு 8 மணி (இந்திய நேரப்படி)

போட்டி முன்னோட்டம்

ஹர்த்திக் பாண்டியா தலைமையிலான இந்திய அணியில் சூர்யகுமார் யாதவ், திலக் வர்மா ஆகியோர் நல்ல நிலையில் உள்ளனர். தொடக்க வீரர் ஷுப்மன் கில் ரன் குவிக்க திணறி வருகிறார். அதேபோல் சஞ்சு சாம்சனும் ரன்கள் எடுக்க வேண்டிய கட்டாயத்தில் உள்ளார்.

பந்து வீச்சில் அர்ஷ்தீப் சிங், குல்தீப் யாதவ், யுஸ்வேந்திர சாஹல், அக்ஷர் பட்டேல் ஆகியோர் உள்ளனர். கடந்த ஆட்டத்தில் வெற்றி பெற்றுள்ளதால் அந்த உத்வேகத்துடன் இந்தியா களம் இறங்கும்.

அதேசமயம் மறுமுனையில் ரோமன் பாவெல் தலைமையிலான வெஸ்ட் இண்டீஸ் அணி பேட்டிங்கில் பிரண்டன் கிங், நிக்கோலஸ் பூரன், ஷிம்ரான் ஹெட்மையர், கைல் மேயர்ஸ் ஆகியோர் உள்ளனர். பந்து வீச்சில் அல்ஸாரி ஜோசப், ஒபேத் மெக்காய், ஷெபஃபெர்ட், ஜோசன் ஹோல்டர், அகீல் ஹொசைன் ஆகியோர் உள்ளனர்.

நாளைய ஆட்டத்தில் வெற்றி பெற்று 20 ஓவர் போட்டி தொடரை கைப்பற்றும் முனைப்பில் வெஸ்ட் இண்டீஸ் உள்ளது. ஆனால் வெற்றிக்காக அந்த அணி கடுமையாக போராடும் என்பதால் போட்டி விறுவிறுப்பாக இருக்கும் என்று எதிர்பார்க்கப்படுகிறது.

நேருக்கு நேர்

• மோதிய போட்டிகள் - 27
• வெஸ்ட் இண்டீஸ் - 09
• இந்தியா - 17
• முடிவில்லை - 01

உத்தேச லெவன் 

வெஸ்ட் இண்டீஸ்: பிராண்டன் கிங், கே மேயர்ஸ், ஜான்சன் சார்லஸ், நிக்கோலஸ் பூரன், ஷிம்ரான் ஹெட்மையர், ரோவ்மேன் பாவெல் (கே), ரொமாரியோ ஷெப்ஃபெர்ட், ஜேசன் ஹோல்டர், அகில் ஹொசைன், அல்ஸாரி ஜோஸப், ஓபேத் மெக்காய்

இந்தியா: ஷுப்மான் கில், ருதுராஜ் கெய்க்வாட், சஞ்சு சாம்சன், சூர்யகுமார் யாதவ், திலக் வர்மா, ஹர்திக் பாண்டியா (கே), அக்சர் படேல், ரவி பிஷ்னோய்/குல்தீப் யாதவ், அர்ஷ்தீப் சிங், முகேஷ் குமார், யுஸ்வேந்திர சாஹல்.

ஃபேண்டஸி லெவன் டிப்ஸ்

• விக்கெட் கீப்பர்கள் - நிக்கோலஸ் பூரன், இஷான் கிஷன்
• பேட்ஸ்மேன்கள்- திலக் வர்மா, ரோவ்மன் பவல், சூர்யகுமார் யாதவ்
• ஆல்-ரவுண்டர் - ஹர்திக் பாண்டியா (கேப்டன்)
• பந்துவீச்சாளர்கள் - யுஸ்வேந்திர சாஹல் (துணை கேப்டன்), அகில் ஹொசைன், அல்சாரி ஜோசப், அர்ஷ்தீப் சிங், ரொமாரியோ ஷெப்பர்ட்

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.