பாகிஸ்தான் மகளிர் அணி வெஸ்ட் இண்டீஸில் சுற்றுப்பயணம் செய்து, 3 போட்டிகள் கொண்ட டி20 மற்றும் ஒருநாள் தொடர்களில் விளையாடி வருகிறது.
இதில் நேற்று நடைபெற்ற இரண்டாவது டி20 போட்டியில் டாஸ் வென்ற வெஸ்ட் இண்டீஸ் மகளிர் அணி பேட்டிங் மூடிவெடுத்தது.
அதன்படி களமிறங்கிய வெஸ்ட் மகளிர் அணி நிர்ணயிக்கப்பட்ட 20 ஓவர்களில் 6 விக்கெட் இழப்பிற்கு 125 ரன்களை மட்டுமே எடுத்தது. அந்த அணியில் அதிகபட்சமாக கைசியா நைட் 30 ரன்களைச் சேர்த்தார்.
இதையடுத்து வெற்றி இலக்கை நோக்கி களமிறங்கிய பாகிஸ்தான் மகளிர் அணி 18 ஓவர்களில் 6 விக்கெட் இழப்பிற்கு 106 ரன்கள் எடுத்திருந்த நிலையில் மழை குறுக்கிட்டது.
இதனால் டக்வெர்த் லூயிஸ் முறைப்படி வெஸ்ட் இண்டீஸ் அணி 7 ரன்கள் வித்தியாசத்தில் வெற்றிபெற்றதாக அறிவிக்கப்பட்டது. இதனால் 3 போட்டிகள் கொண்ட டி20 தொடரையும் வெஸ்ட் இண்டீஸ் மகளிர் அணி 2-0 என்ற கணக்கில் கைப்பற்றியுள்ளது.