டி10 லீக்: ஸஸாய் அதிரடியில் பங்களா டைகர்ஸ் அசத்தல் வெற்றி!

டி10 லீக் கிரிக்கெட் தொடரில் நேற்று நடைபெற்ற லீக் ஆட்டங்களில் டெக்கான் கிளாடியேட்டர்ஸ், பங்களா டைகர்ஸ் அணிகள் வெற்றிபெற்றன.

டி10 லீக் கிரிக்கெட் தொடரில் நேற்று நடைபெற்ற 20 ஆவது லீக் ஆட்டத்தில் சென்னை பிரேவ்ஸ் - பங்களா டைகர்ஸ் அணிகள் பலப்பரீட்சை நடத்தின. டாஸ் வென்ற பங்களா டைகர்ஸ் அணி முதலில் பந்துவீச தீர்மானித்தது.

அதன்படி களமிறங்கிய சென்னை பிரேவ்ஸ் அணி 10 ஓவர்கள் முடிவில் 4 விக்கெட் இழப்பிற்கு 89 ரன்களை மட்டுமே எடுத்தது. இதில் அதிகபட்சமாக முகமது ஷசாத் 32 ரன்களைச் சேர்த்தார். 

அதன்பின் இலக்கை துரத்திய பங்களா டைகர்ஸ் 5.5 ஓவர்களிலேயே இலக்கை எட்டி, 9 விக்கெட் வித்தியாசத்தில் சென்னை பிரேவ்ஸை வீழ்த்தி அசத்தியது. இதில் அதிகபட்சமாக ஹஸ்ரதுல்லா ஸஸாய் 46 ரன்களைச் சேர்த்தார்.

அதேபோல் நேற்று நடைபெற்ற மற்றோரு லீக் ஆட்டத்தில் டெல்லி புல்ஸ் - டெக்கான் கிளாடியேட்டர்ஸ் அணிகள் மோதின. இதில் முதலில் விளையாடிய டெல்லி புல்ஸ் அணி 94 ரன்களைச் சேர்த்தது. 

அதன்பின் விளையாடிய டெக்கான் கிளாடியேட்டர்ஸ் அணி 6.1 ஓவாரிலேயே இலக்கை எட்டி அசத்தியது.

Win Big, Make Your Cricket Tales Now