அண்டர் 19 உலகக்கோப்பை: இலங்கையை வீழ்த்தி அரையிறுதிக்கு முன்னேறியது ஆஃப்கானிஸ்தான்!
அண்டர் 19 உலக கோப்பை தொடரில் இலங்கை அணிக்கு எதிரான காலிறுதிச்சுற்றில் ஆப்கானிஸ்தான் அணி 4 ரன்கள் வித்தியாசத்தில் த்ரில் வெற்றிபெற்றது.
அதன்படி, முதலில் பேட் செய்த ஆப்கானிஸ்தான் அணி 47.1 ஓவரில் 134 ரன்களுக்கு ஆல் அவுட்டானது. அப்துல் ஹாதி 37 ரன்னும், நூர் அகமது 30 ரன்னும் எடுத்தனர். இலங்கை அணி சார்பில் வினுஜா ரான்பால் 5 விக்கெட் வீழ்த்தி அசத்தினார்.
Trending
இதையடுத்து, 135 ரன்கள் எடுத்தால் வெற்றி என்ற இலக்குடன் இலங்கை அணி களமிறங்கியது. ஆஃப்கானிஸ்தான் அணியினரின் அசத்தலான பீல்டிங்கில் இலங்கை அணி சிக்கியது.
இலங்கை அணியில் துனித் வெல்லலகே அதிகபட்சமாக 31 ரன் எடுத்தார். 45ஆவது ஓவரில் வெற்றிக்கு 11 ரன்கள் தேவைப்பட்ட நிலையில் இலங்கை அணி 6 ரன்களை மட்டுமே எடுத்து ஆல் அவுட்டானது. இந்த ஆட்டத்தில் 4 பேர் ரன் அவுட்டாகினர்.
இதன்மூலம் ஆஃப்கானிஸ்தான் 4 ரன் வித்தியாசத்தில் இலங்கையை வீழ்த்தி அபார வெற்றி பெற்றதுடன், அண்டர் 19 உலகக்கோப்பை தொடரில் இரண்டாவது அணியாக அரையிறுதிச்சுற்றுக்கும் முன்னேறியது.
Win Big, Make Your Cricket Tales Now
