கவுண்டி கிரிக்கெட்: மீண்டும் சதமடித்து அணிக்கு வெற்றியைத் தேடித்தந்த பிரித்வி ஷா!
துர்ஹாம் அணிக்கெதிரான கவுண்டரி கிரிக்கெட் போட்டியில் நார்த்தாம்டன்ஷையர் அணி 6 விக்கெட் வித்தியாசத்தில் வெற்றிபெற்றது.
இங்கிலாந்தின் பாரம்பரியமிக்க உள்ளூர் கிரிக்கெட் தொடரான கவுண்டி கிரிக்கெட் தொடரின் ஒருநாள் போட்டிகள் விறுவிறுப்பாக நடைபெற்றுவருகிறது. இதில் இன்று நடைபெற்ற குரூப் பி அணிகளுக்கு இடையேயான போட்டியில் நார்த்தாம்டன்ஷையர் - துர்ஹாம் அணிகள் பலப்பரீட்சை நடத்தின. இப்போட்டியில் டாஸ் வென்ற துர்ஹாம் அணி முதலில் பேட்டிங் செய்வதாக அறிவித்தது.
அதன்படி களமிறங்கிய துர்ஹாம் அணியில் க்ரஹம் கிளார்க் 13, அலெக்ஸ் லீஸ் 34, பெடிங்ஹாம் 15, மைக்கேல் ஜோன்ஸ் 6, பெக்கினி 3, புஷெல் 32, பார்த்விக் 20, டிரெவஸ்கிஸ் 37, பிரிடோரியஸ் 20 என அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர்.
Trending
இதனால் 43.2 ஓவர்கள் முடிவில் துர்ஹாம் அணி அனைத்து விக்கெட்டுகளையும் இழந்து 198 ரன்களுக்கு ஆல் அவுட்டானது. நார்த்தாம்டன்ஷையர் அணி தரப்பில் புரொக்டர் 4 விக்கெட்டுகளையும், ஜேம்ஸ் சீல்ஸ், கியோக் ஆகியோர் தலா 2 விக்கெட்டுகளையும் கைப்பற்றினர்.
இதையடுத்து இலக்கை நோக்கி களமிறங்கிய நார்த்தாம்டன்ஷையர் அணிக்கும் எதிர்பார்த்த தொடக்கம் கிடைக்கவில்லை. எமிலோ கே 17, வைட்மேன் 4 ரன்கள் என அடுத்தடுத்து ஆட்டமிழந்தனர். அதன்பின் ஜோடி சேர்ந்த பிரித்வி ஷா - ராப் கியோக் இணை சிறப்பான ஆட்டத்தை வெளிப்படுத்தியதுடன் அணியின் ஸ்கோரையும் மளமளவென உயர்த்தினர்.
A century in just 68 balls for Prithvi Shaw!
— Mufaddal Vohra (@mufaddal_vohra) August 13, 2023
Back to back hundreds by Prithvi. pic.twitter.com/s10R6clTTK
இதில் தொடர்ந்து அபார ஆட்டத்தை வெளிப்படுத்தி வந்த பிரித்வி ஷா சதமடித்து அசத்தினார். முன்னதாக கடந்த போட்டியில் இரட்டை சதமடித்தார் என்பது குறிப்பிடத்தக்கது. தொடர்ந்து அபாரமாக விளையாடிவந்த பிரித்வி ஷா 76 பந்துகளில் 15 பவுண்டரி, 7 சிக்சர்கள் என 125 ரன்களைச் சேர்த்து இறுதிவரை ஆட்டமிழக்காமல் அணிக்கு வெற்றியைத் தேடித்தந்தார்.
இதன்மூலம் நார்த்தாம்டன்ஷையர் அணி 25.4 ஓவர்களில் இலக்கை எட்டியதுடன் 6 விக்கெட் வித்தியாசத்தில் துர்ஹாம் அணியையும் வீழ்த்தி அபார வெற்றியைப் பதிவுசெய்தது.
Win Big, Make Your Cricket Tales Now
