BAN vs SL, Asia Cup 2023: உத்தேச லெவன் & ஃபேண்டஸி லெவன் டிப்ஸ்!

ஆசிய கோப்பை கிரிக்கெட் தொடரில் இன்று நடைபெறும் 2ஆவது லீக் போட்டியில் வங்கதேசம் - இலங்கை அணிகள் பலப்பரீட்சை நடத்துகின்றன.

BAN vs SL, Asia Cup 2023: உத்தேச லெவன் & ஃபேண்டஸி லெவன் டிப்ஸ்! (Image Source: Google)

இந்தியாவில் வரும் அக்டோபர், நவம்பர் மாதங்களில் நடைபெற உள்ள உலகக்கோப்பை தொடருக்கு ஆசிய அணிகள் சிறப்பாக தயாராகும் பொருட்டு இந்த முறை ஆசிய கோப்பை 50 ஓவர் வடிவில் நடத்தப்படுகிறது. அதன்படி இந்தியா, பாகிஸ்தான் உள்ளிட்ட 6 அணிகள் பங்கேற்கும் ஆசிய கோப்பை கிரிக்கெட் தொடர் நேற்று தொடங்கியது. அதில் நேபாள அணியை துவம்சம் செய்து பாகிஸ்தான் அணி வெற்றியோடு தொடங்கியது. 

இந்நிலையில் ஆசிய கோப்பை கிரிக்கெட்டில் பல்லகெலேயில் இன்று நடக்கும் 2ஆவது லீக்கில் நடப்பு சாம்பியன் தசுன் ஷனகா தலைமையிலான இலங்கை அணி, ஷகிப் அல்-ஹசன் தலைமையிலான வங்கதேசத்தை சந்திக்கிறது. இவ்விரு அணிகளுக்கும் இடையேயான இப்போட்டியானது இந்திய நேரப்படி மாலை 3 மணிக்கு நடைபெறவுள்ளது.

இலங்கை அணியில் ஹசரங்கா, சமீரா, லாஹிரு குமாரா போன்ற முன்னணி பந்துவீச்சாளர்கள் காயத்தால் விலகியது பாதிப்பு தான். இதே போல் வங்கதேச அணியில் காயத்தால் தமிம் இக்பால், எபாதத் ஹூசைன் இடம் பெறவில்லை. வைரஸ் காய்ச்சல் பாதிப்பில் இருந்து மீளாத லிட்டான் தாஸ் நேற்று தொடரிலிருந்து விலகுவதாக அறிவித்தார். அவருக்கு பதிலாக அனமுல் ஹக் சேர்க்கப்பட்டுள்ளார்.

இலங்கை அணியில் பதும் நிசாங்கா, கருணாரத்னே, அசலங்கா, குசல் மென்டிஸ், தனஞ்ஜெயா டி சில்வா நல்ல நிலையில் உள்ளனர். உள்ளூர் மண்ணில் ஆடுவது இலங்கைக்கு கூடுதல் அனுகூலமாக இருக்கும். அதேசமயம் வங்கதேச அணியும் சமீப காலங்களில் சிறப்பான ஆட்டத்தை வெளிப்படுத்தியுள்ளதால், அந்த அணி கூடுதல் நம்பிக்கையுடன் இத்தொடரை எதிர்கொள்ளவுள்ளது. 

நேருக்கு நேர்

• மோதிய போட்டிகள் - 51
• இலங்கை - 40
• வங்கதேசம் - 09
• முடிவில்லை - 02

உத்தேச லெவன்

இலங்கை: பதும் நிஷங்கா, திமுத் கருணாரத்ன, குசல் மெண்டிஸ், சதீர சமரவிக்ரம, சரித் அஷலங்கா, தனஞ்சய டி சில்வா, தசுன் ஷனகா (கே), துஷான் ஹேமந்த, மஹிஷ் திக்ஷனா, மதிஷா பதிரான, கசுன் ரஜிதா.

வங்கதேசம்: தஞ்சீத் தமீம், நயீம் ஷேக், நஜ்முல் ஹொசைன், தாஹித் ஹிரிடோய், ஷகிப் அல் ஹசன் (கே), முஷ்பிக்கூர் ரஹீம், மெஹிதி ஹசன், மஹேதி ஹசன், தஸ்கின் அகமது, ஹசன் மஹ்மூத், முஸ்தபிசூர் ரஹ்மான்.

ஃபேண்டஸி லெவன் டிப்ஸ்

• விக்கெட் கீப்பர் - குசல் மெண்டிஸ்
• பேட்ஸ்மேன்கள்- நஜ்முல் ஹொசைன் சாண்டோ, பதும் நிஷங்கா, தஹீத் ஹிரிடோய்
• ஆல்ரவுண்டர்கள் - ஷகிப் அல் ஹசன் (கேப்டன்), தசுன் ஷனகா, தனஞ்சய் டி சில்வா (துணை கேப்டன்), மெஹிதி ஹசன்
• பந்துவீச்சாளர்கள்- தஸ்கின் அகமது, மகேஷ் திக்ஷன, மத்திஷா பதிரான

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now