ZIM vs BAN, Only Test: மெஹிதி, டஸ்கின் பந்துவீச்சில் தோல்வியடைந்த ஜிம்பாப்வே!

Bangladesh thump Zimbabwe and clinch the one-off Test by 220 runs. (Image Source: Google)

ஜிம்பாப்வேயில் சுற்றுப்பயணம் செய்து வரும் வங்கதேச அணி ஒரேயொரு டெஸ்ட் போட்டி கொண்ட தொடரில் விளையாடியது. கடந்த ஜூலை 7ஆம் தேதி ஹராரேவில் தொடங்கிய இப்போட்டியில் டாஸ் வென்ற வங்கதேசம் முதலில் பேட்டிங் செய்ய தீர்மானித்தது.

அதன்படி களமிறங்கிய வங்கதேச அணிக்கு மஹ்முதுல்லா, டஸ்கின் அஹ்மத், லிட்டன் தாஸ் ஆகியோர் அதிரடியாக விளையாடி அணியின் ஸ்கோரை உயர்த்தினர். இதன் மூலம் வங்கதேச அணி முதல் இன்னிங்ஸில் 468 ரன்களைக் குவித்தது. அந்த அணியில் அதிகபட்சமாக மஹ்முதுல்லா 150 ரன்களைச் சேர்த்தார். 

அதன்பின் முதல் இன்னிங்ஸைத் தொடங்கிய ஜிம்பாப்வே அணி 276 ரன்களிலேயே அனைத்து விக்கெட்டுகளையும் இழந்து இன்னிங்ஸை முடித்தது. அந்த அணியில் அதிகபட்சமாக கைடானோ 87 ரன்களையும், டெய்லர் 81 ரன்களை எடுத்திருந்தனர். 

அதன்பின் 192 ரன்கள் முன்னிலையுடன் இரண்டாவது இன்னிங்ஸை தொடர்ந்த வங்கதேச அணி சாதம் இஸ்லாம், சாண்டோ ஆகியோரது அபார சதத்தினால் 284 ரன்களில் டிக்ளர் செய்தது. இதில் சாதம் இஸ்லாம் 115 ரன்களுடனு, சாண்டோ 117 ரன்களுடனும் ஆட்டமிழக்காமல் இருந்தனர்.

மேலும் ஜிம்பாப்வே அணிக்கு வெற்றி இலக்காக 477 ரன்களையும் வங்கதேசம் நிர்ணயித்திருந்தது. அதன்பின் இலக்கை துரத்திய ஜிம்பாப்வே அணியில் பிராண்டன் டெய்லர், டிரிபனோ ஆகியோரைத் தவிற மற்ற வீரர்கள் சொற்ப ரன்னில் ஆட்டமிழந்தனர். 

இதனால் ஐந்தாம் நாளின் இரண்டாவது செஷனிலேயே ஜிம்பாப்வே அணி 256 ரன்களுக்கு ஆல் அவுட்டானது. வங்கதேச அணி தரப்பில் டஸ்கின் அஹ்மத், மெஹிதி ஹசன் ஆகியோர் தலா 4 விக்கெட்டுகளைக் கைப்பற்றி அணியின் வெற்றிக்கு உதவினர்.

இதன் மூலம் ஜிம்பாப்வே அணிக்கெதிரான டெஸ்ட் போட்டியில் வங்கதேச அணி 220 ரன்கள் வித்தியாசத்தில் இமாலய வெற்றியைப் பெற்று அசத்தியது. 

Win Big, Make Your Cricket Tales Now