பிபிஎல் 2021: ஸ்டிரைக்கர்ஸை வீழ்த்தி தண்டர் அபார வெற்றி!

அடிலெய்டி ஸ்டிரைக்கர்ஸ் அணிக்கெதிரான பிக் பேஷ் லீக் ஆட்டத்தில் சிட்னி தண்டர் அணி 22 ரன்கள் வித்தியாசத்தில் வெற்றிபெற்று அசத்தியது.

ஆஸ்திரேலியாவின் உள்ளூர் டி20 தொடரான பிக் பேஷ் லீக் தொடர் விறுவிறுப்பாக நடைபெற்று வருகிறது. இதில் இன்று நடைபெற்ற 28ஆவது லீக் ஆட்டத்தில் சிட்னி தண்டர் - அடிலெய்ட் ஸ்டிரைக்கர்ஸ் அணிகள் பலப்பரீட்சை நடத்தின. 

இப்போட்டியில் டாஸ் வென்று முதலில் பேட்டிங் செய்த சிட்னி தண்டர் அணி ஜேசன் சங்காவின் அதிரடியான ஆட்டத்தினால் 20 ஓவர்கள் முடிவில் 3 விக்கெட்டுகளை இழந்து 187 ரன்களைச் சேர்த்தது. 

இதில் அதிகபட்சமாக ஜேசன் சங்கா 91 ரன்களையும், பென் கட்டிங் 37 ரன்களையும் சேர்த்தனர். 

இதையடுத்து கடின இலக்கை துரத்திய ஸ்டிரைக்கர்ஸ் அணியில் யாரும் நிலைத்து நின்று பெரிய ஸ்கோரை அடிக்கவில்லை. அந்த அணியில் அதிகபட்சமாக ஜானதன் வெல்ஸ் மட்டும் அதிரடியாக விளையாடி 46 ரன்களைச் சேர்த்தார். 

இதனால் 20 ஓவர்கள் முடிவில் அந்த அணி 7 விக்கெட்டுகளை இழந்து 165 ரன்களைச் சேர்த்தது. இதன்மூலம் சிட்னி தண்டர் அணி 22 ரன்களைச் சேர்த்தது.