பிபிஎல் 2022: அலெக்ஸ் ஹேல்ஸ் அதிரடியில் ஹரிகேன்ஸைப் பந்தாடியது தண்டர்!

ஹாபர்ட் ஹரிகேன்ஸ் அணிக்கெதிரான பிக் பேஷ் லீக் ஆட்டத்தில் சிட்னி தண்டர் அணி 9 விக்கெட் வித்தியாசத்தில் வெற்றிபெற்று அசத்தியது.

பிக் பேஷ் லீக் டி20 தொடரில் இன்று நடைபெற்ற 44ஆவது போட்டியில் ஹாபர்ட் ஹரிகேன்ஸ் - சிட்னி தண்டர் அணிகள் பலப்பரீட்சை நடத்தின. 

இப்போட்டியில் டாஸ் வென்று முதலில் பேட்டிங்கைத் தேர்வு செய்த ஹரிகேன்ஸ் அணிக்கு தொடக்கமே அதிர்ச்சியளிக்கும் வகையில் கெலெப் ஜெவெல் 4 ரன்களில் ஆட்டமிழந்து வெளியேறினார். 

அதன்பின் அதிரடியாக விளையாடி வந்த பென் மெக்டர்மோட் 38 ரன்னிலும், பீட்டர் ஹேண்ட்ஸ்கோம்ப் 21 ரன்னிலும் விக்கெட்டை இழக்க, அடுத்து வந்த வீரர்களும் சொற்ப ரன்களில் பெவிலியனுக்கு திரும்பினர். 

இதனால் 20 ஓவர்கள் முடிவில் ஹாபர்ட் ஹரிகேன்ஸ் அணி 6 விக்கெட்டுகளை இழந்து 139 ரன்களை மட்டுமே சேர்த்தது. 

இதையடுத்து எளிய இலக்கை துரத்திய தண்டர் அணியில் மேத்யூ கில்க்ஸ் 19 ரன்களில் ஆட்டமிழந்து ஏமாற்றமளித்தார். ஆனாலும் அதிரடியில் மிரட்டிய அலெக்ஸ் ஹேல்ஸ் அரைசதம் கடந்ததுடன், இறுதிவரை ஆட்டமிழக்காமல் அணியை வெற்றிக்கு அழைத்துச் சென்றார். 

இதில் 56 பந்துகளைச் சந்தித்திருந்த ஹேல்ஸ் 11 பவுண்டர், ஒரு சிக்சர் உள்பட 80 ரன்களைக் குவித்தார். இதன்மூலம் சிட்னி தண்டர் அணி 17.2 ஓவர்களில் இலக்கை அடைந்து, 9 விக்கெட்டுகள் வித்தியாசத்தில் ஹாபர்ட் ஹரிகேன்ஸ் அணியை வீழ்த்தியது.

Win Big, Make Your Cricket Tales Now