பிபிஎல் 2022: ஸ்டிரைக்கர்ஸை வீழ்த்தியது ஸ்டார்ஸ்!

அடிலெய்ட் ஸ்டிரைக்கர்ஸ் அணிக்கெதிரான பிபிஎல் லீக் ஆட்டத்தில் மெல்போர்ன் ஸ்டார்ஸ் அணி 5 விக்கெட் வித்தியாசத்தில் வெற்றிபெற்று அசத்தியது.

பிக் பேஷ் லீக் டி20 தொடரில் இன்று நடைபெற்ற 43ஆவது லீக் ஆட்டத்தில் மெல்போர்ன் ஸ்டார்ஸ் - அடிலெய்ட் ஸ்டிரைக்கர்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற மெல்போர்ன் அணி முதலில் பந்துவீச தீர்மானித்தது.

அதன்படி களமிறங்கிய அடிலெய்ட் ஸ்டிரைக்கர்ஸ் அணி ஜானதன் வெல்ஸின் அதிரடியான அரைசதம் மூலம் 20 ஓவர்கள் முடிவில் 9 விக்கெட் இழப்பிற்கு 139 ரன்களைச் சேர்த்தது.

இதில் அதிகபட்சமாக் வெல்ஸ் 68 ரன்களைச் சேர்த்தார். ஸ்டார்ஸ் அணி தரப்பில் ஹாரிஸ் ராவுஃப், அஹ்மத், ஆடம் ஸாம்பா தலா 2 விக்கெட்டுகளைக் கைப்பற்றினர். 

இதையடுத்து இலக்கை துரத்திய மெல்போர்ன் ஸ்டார்ஸ் அணியின் முன்வரிசை வீரர்கள் சொற்ப ரன்களில் ஆட்டமிழந்து ஏமாற்றமளித்தனர். 

இருப்பினும் மற்றொரு தொடக்க வீரரான ஜோ கிளர்க் தனி ஒருவனாக போராடி அணியை வெற்றிக்கு அழைத்துச் சென்றார். இதன்மூலம் 19.1 ஓவர்களில் மெல்போர்ன் ஸ்டார்ஸ் அணி இலக்கை எட்டி 5 விக்கெட் வித்தியாசத்தில் வெற்றிபெற்றது. 

மெல்போர்ன் ஸ்டார்ஸ் அணி தரப்பில் ஜோ கிளர்க் 4 சிக்சர், 3 பவுண்டரிகளை விளாசி 83 ரன்களைச் சேர்த்தார்.

Win Big, Make Your Cricket Tales Now