பிபிஎல் 2022: பெர்த் ஸ்காச்சர்ஸிடம் வீழ்ந்தது மெல்போர்ன் ஸ்டார்ஸ்!

மெல்போர்ன் ஸ்டார்ஸ் அணிக்கெதிரான பிக் பேஷ் லீக் ஆட்டத்தில் பெர்த் ஸ்காச்சர்ஸ் அணி 50 ரன்கள் வித்தியாசத்தில் வெற்றிபெற்று அசத்தியது.

பிக் பேஷ் லீக் டி20 தொடரில் இன்று நடைபெற்ற 31ஆவது லீக் ஆட்டத்தில் மெல்போர்ன் ஸ்டார்ஸ் - பெர்த் ஸ்காச்சர்ஸ் அணிகள் பலப்பரீட்சை நடத்தின.

இதில் டாஸ் வென்று முதலில் பேட்டிங் செய்த பெர்த் ஸ்காச்சர்ஸ் அணி குர்டிஸ் பேட்டர்சனின் அபாரமான ஆட்டத்தினால் 20 ஓவர்கள் முடிவில் 8 விக்கெட் இழப்பிற்கு 180 ரன்களைச் சேர்த்தது.

இதில் அதிகபட்சமாக குர்டிஸ் பேட்டர்சன் 54 ரன்களையும், காலின் முன்ரோ 40 ரன்களையும் சேர்த்தனர். மெல்போர்ன் அணி தரப்பில் ஹாரிஸ் ராவுஃப், குயிஸ் அஹ்மத் தலா 2 விக்கெட்டுகளைக் கைப்பற்றினர். 

இதையடுத்து இலக்கை துரத்திய மெல்போர்ன் ஸ்டாஸுக்கு ஜோ கிளர்க் - டாம் ரோஜர்ஸ் இணை அதிரடியான தொடக்கத்தை வழங்கினர். இதில் கிளர்க் அரைசதம் கடந்தார். 

பின் 52 ரன்கள் எடுத்திருந்த கிளர்க் ஆட்டமிழக்க, 32 ரன்களுடன் டாம் ரோஜர்ஸும் வெளியேறினார். பின்னர் வந்த வீரர்கள் வந்த வேகத்திலேயே விக்கெட்டை இழந்து பெவிலியனுக்கு நடையைக் கட்டினர்.

இதனால் 18.5 ஓவர்களிலேயே மெல்போர்ன் ஸ்டார்ஸ் அணி அனைத்து விக்கெட்டுகளையும் இழந்து 130 ரன்களை மட்டுமே சேர்த்தது. இதன்மூலம் பெர்த் ஸ்காச்சர்ஸ் அணி 50 ரன்கள் வித்தியாசத்தில் மெல்போர்ன் ஸ்டார்ஸ் அணியை வீழ்த்தி அபார வெற்றியைப் பெற்றது.