பிபிஎல் 2021: போட்டி முன் தனிமைப்படுத்தப்பட்ட சிட்னி தண்டர் வீரர்!

கரோனா நெறிமுறைகளை மீறியதாக சிட்னி தண்டர் அணியின் தொடக்க வீரர் சாம் வைட்மேன் தனிமைப்படுத்தப்பட்டுள்ளார்.

ஆஸ்திரேலியாவின் உள்ளூர் டி20 கிரிக்கெட் தொடரான பிக் பேஷ் லீக் தொடர் விறுவிறுப்பாக நடைபெற்று வருகிறது. இதில் இன்று நடைபெற்று வரும் 14ஆவது லீக் ஆட்டத்தில் சிட்னி தண்டர் - பிரிஸ்பேன் ஹீட் அணிகள் விளையாடி வருகின்றன. 

இப்போட்டியில் முதலில் பேட்டிங் செய்த சிட்னி தண்டர் அணி 20 ஓவர்கள் முடிவில் 7 விக்கெட் இழப்பிற்கு 196 ரன்களைச் சேர்த்தது. இதையடுத்து பிரிஸ்பேன் அணி இலக்கை துரத்தி விளையாடி வருகிறது. 

இந்நிலையில் இப்போட்டி தொடங்குவதற்கு முன்னதாக சிட்னி தண்டர் அணியின் தொடக்க வீரர் சாம் வைட்மேன் கரோனா விதிமுறைகளை மீறியதாக தனிமைப்படுத்தப்பட்டார். 

சாம் கரோனா பாதிக்கப்பட்ட அடையாளம் தெரியாத நபர் ஒருவரிடம் தொடர்பில் இருந்ததான் காரணமாக அவர் இப்போட்டியிலிருந்து விலக்கப்பட்டு, தனிமைப்படுத்தப்பட்டார். 

மேலும் அவர் தனிமைப்படுத்லின் போது மேற்கொள்ளப்படும் கரோனா பரிசோதனை முடிவின் அடிப்படையில் அடுத்த முடிவை எடுக்கவுள்ளதாகவும் சிட்னி தண்டர் அணி அறிவித்துள்ளது.