ஆஸ்திரேலியா, தென் ஆப்பிரிக்க தொடருக்கான அட்டவணையை வெளியிட்டது பிசிசிஐ!

ஆஸ்திரேலியா, தென் ஆப்பிரிக்க அணிகளுடன் இந்திய அணி விளையாடும் தொடருக்கான அட்டவணையை பிசிசிஐ இன்று வெளியிட்டுள்ளது.

BCCI Announces White-Ball Cricket Schedule Against Australia & South Africa (Image Source: Google)

நடப்பாண்டு அக்டோபர் மாதம் ஆஸ்திரேலியாவில் ஐசிசியின் ஆடவர் டி20 உலகக்கோப்பை தொடர் நடைபெறவுள்ளது. இத்தொடருக்காக ஆஸ்திரேலியா, இந்தியா, பாகிஸ்தான், இங்கிலாந்து என அனைத்து நாடுகளும் தீவிரமாக தயாராகி வருகின்றன.

மேலும் உலகக்கோப்பையை கருத்தில் கொண்டு அனைத்து நாடுகளும் டி20 கிரிக்கெட்டின் மீது அதிகபடினா கவனத்தை செலுத்தி, அடுத்தடுத்து டி20 தொடர்களை நடத்திவருகின்றன. 

அந்தவகையில் பிசிசிஐயும் தென் ஆப்பிரிக்கா, இங்கிலாந்து, ஐயர்லாந்து, வெஸ்ட் இண்டீஸ் என டி20 தொடர்களை நடத்தியது. இந்நிலையில் தற்போது உலகக்கோப்பை தொடருக்கு ஒத்திகைப் பார்க்கும் வகையில் ஆஸ்திரேலியா மற்றும் தென் ஆப்பிரிக்க அணிகளுடனான டி20 தொடரின் அட்டவணையை இன்று பிசிசிஐ வெளியிட்டுள்ளது.

அதன்படி செப்டம்பர் மாதத்தில் தென் ஆப்பிரிக்க அணியுடன் மூன்று போட்டிகள் கொண்ட டி20 தொடரிலும், செப்டம்பர் - அக்டோபர் மாதங்களில் ஆஸ்திரேலியாவுடன் 3 டி20, 3 ஒருநாள் போட்டிகளிலும் இந்திய அணி விளையாடவுள்ளது. 

மேலும் அக்டோபர் இறுதியில் டி20 உலகக்கோப்பை தொடர் நடைபெற இருப்பதால் அதற்கான ஒத்திகையாக இத்தொடர்கள் பார்க்கப்படுகின்றன. 

இந்தியா - தென் ஆப்பிரிக்க தொடர்

• முதலாவது டி20 - செப்டம்பர் 20 - மொஹாலி
• இரண்டாவது டி20 - செப்டம்பர் 23 - நாக்பூர்
• மூன்றாவது டி20 - செப்டம்பர் 25 - ஹைதராபாத்

இந்தியா - ஆஸ்திரேலிய தொடர்

• முதல் டி20 - செப்டம்பர் 28 - திருவணந்தபுரம்
• இரண்டாவது டி20 - அக்டோபர் 2 - கௌகாத்தி
• மூன்றாவது டி20 - அக்டோபர் 4 - இந்தூர்
• முதல் ஒருநாள் - அக்டோபர் 6 - லக்னோ
• இரண்டாவது ஒருநாள் - அக்டோபர் 9 - ராஞ்சி
• மூன்றாவது ஒருநாள் - அக்டோபர் 11 - டெல்லி

Win Big, Make Your Cricket Tales Now