இந்தியா - தென் ஆப்பிரிக்க தொடர் ஜூன் மாதம் தொடக்கம்!

ஐபிஎல் தொடர் முடிந்ததும் ஜூன் மாதம் இந்தியா வரும் தென் ஆப்பிரிக்கா அணி 5 போட்டிகள் கொண்ட டி20 தொடரில் விளையாட உள்ளது.

தென் ஆப்பிரிக்க கிரிக்கெட் அணி இந்தியாவில் ஜூன் மாதம் சுற்றுப்பயணம் மேற்கொள்ள உள்ளது. இந்த சுற்றுப்பயணத்தில் 5 போட்டிகள் கொண்ட டி20 தொடரில்  பங்கேற்க உள்ளது.

இரு அணிகளுக்கு இடையிலான முதல் டி20 போட்டி டெல்லியில் ஜூன் 9ஆம் தேதி தொடங்க உள்ளது. 2ஆவது போட்டி கட்டாக்கில் ஜூண் 12ஆம் தேதி, 3ஆவது போட்டி விசாகப்பட்டினத்தில் ஜூன் 14ஆம் தேதி, 4ஆவது போட்டி ராஜ்கோட்டில் ஜூன் 17ஆம் தேதி, 5ஆவது போட்டி பெங்களூருவில் ஜூன் 19ஆம் தேதியும் நடைபெறும் என பிசிசிஐ தெரிவித்துள்ளது.

இந்நிலையில் ஐபிஎல் பிளே ஆப் சுற்று மற்றும் இறுதிப்போட்டி நடைபெறும் இடங்களை பிசிசிஐ தலைவர் கங்குலி அறிவித்துள்ளார் .

அதன்படி, முதல் பிளே ஆப் சுற்று மற்றும் எலிமினேட்டர் சுற்று போட்டிகள் மே 24 மற்றும் 26 ஆகிய தேதிகளில் கொல்கத்தாவில் நடைபெறும் என்றும், மே 27 மற்றும் 29 ஆகிய தேதிகளில் அகமதாபாத்தில் இரண்டாவது பிளே ஆஃப் மற்றும் இறுதிப்போட்டி நடைபெறும் என தெரிவித்துள்ளார் .

பிளே ஆஃப் சுற்று மற்றும் இறுதிப்போட்டிக்கு 100 சதவீத பார்வையாளர்கள் அனுமதிக்கப்படுவார்கள் எனவும் பிசிசிஐ தெரிவித்துள்ளது.