ஐபிஎல் 2022: தவான் கொடுத்த கேட்ச்சை தாவி பிடித்த ஜோஸ் பட்லர்!

தவான் அடித்த கேட்ச்சை தாவிப்பிடித்த ஜோஸ் பட்லரின் காணொளி இணையத்தில் வைரலாகி வருகிறது.

15ஆவது ஐபிஎல் தொடரின் 52வது லீக் போட்டியில் சஞ்சு சாம்சன் தலைமையிலான ராஜஸ்தான் ராயல்ஸ் அணியும், மாயன்க் அகர்வால் தலைமையிலான பஞ்சாப் கிங்ஸ் அணியும் மோதி வருகின்றன.

மும்பை வான்கடே மைதானத்தில் நடைபெற்று வரும் இந்த போட்டியில் டாஸ் வென்ற பஞ்சாப் அணியின் கேப்டன் மாயன்க் அகர்வால் முதலில் பேட்டிங்கை தேர்வு செய்தார்.

இதனையடுத்து முதலில் பேட்டிங் செய்ய களமிறங்கிய பஞ்சாப் அணி 20 ஓவர்கள் முடிவில் 5 விக்கெட்டுகளை இழந்த பஞ்சாப் அணி 5 விக்கெட் இழப்பிற்கு 189 ரன்கள் குவித்துள்ளது.

அந்த அணியில் அதிகபட்சமாக ஜானி பேர்ஸ்டோவ் 56 ரன்களைச் சேர்த்தார். ராஜஸ்தான் ராயல்ஸ் அணி தரப்பில் யுஸ்வேந்திர சஹால் 3 விக்கெட்டுகளைக் கைப்பற்றினார்.

இந்நிலையில் இப்போட்டியில் 22 ரன்கள் எடுத்திருந்த பஞ்சாப் வீரர் ஷிகர் தவான், அஸ்வின் வீசிய முதல் ஓவரின் இரண்டாவது பந்தை தூக்கி அடிக்க முயற்சித்தார். ஆனால் அவர் எதிர்பார்த்த அளவு பந்தை சரியாக அடிக்கவில்லை.

 

இதனை லெக் திசையில் நின்றிருந்த ஜோஸ் பட்லர் தாவி அந்த பந்தைக் கேட்ச் பிடித்து அசத்தினார். ஜோஸ் பட்லரின் இந்த கேட்ச் காணொளியானது தற்போது இணையத்தில் வைரலாகி வருகிறது.