ENG vs NZ: மேலும் ஒரு நியூசிலாந்து வீரருக்கு கரோனா!

England vs New Zealand: இங்கிலாந்தில் சுற்றுப்பயணம் செய்துவரும் நியூசிலாந்து அணியின் ஆல் ரவுண்டர் மிட்செல் பிரேசல்லிற்கு கரோனா தொற்று உறுதிசெய்யப்பட்டுள்ளது.

நியூசிலாந்து அணி இங்கிலாந்தில் சுற்றுப்பயணம் செய்து 3 டெஸ்ட் போட்டிகள் கொண்ட தொடரில் ஆடிவருகிறது. இதில் இதுவரை நடைபெற்ற இரண்டு டெஸ்ட் போட்டிகளிலும் இங்கிலாந்து அணி வெற்றிபெற்று அசத்தியதுடன், டெஸ்ட் தொடரை 2-0 என்ற கணக்கில் கைப்பற்றியுள்ளது.

இந்நிலையில் இரு அணிகளுக்கும் இடையேயான மூன்றாவது மற்றும் கடைசி டெஸ்ட் போட்டி லீட்ஸில் வரும் 23ஆம் தேதி தொடங்குகிறது. இப்போட்டியிலாவது நியூசிலாந்து அணி வெற்றிபெற்று ஆறுதலை தேடும் என எதிர்பார்க்கப்படுகிறது.

அதற்குள்ளாக இன்று நியூசிலாந்து வீரர்களுக்கு மேற்கொள்ளப்பட்ட கரோனா பரிசோதனை முடிவில், ஆல்ரவுண்டரி மிட்செல் பிரேசெல்லிற்கு கரோனா தொற்று உறுதிசெய்யப்பட்டுள்ளது. இதையடுத்து அவர் மருத்துவ கண்காணிப்பில் தனிமைப்படுத்தப்பட்டுள்ளார். இதனை நியூசிலாந்து கிரிக்கெட் வாரியமும் உறுதிசெய்துள்ளது.

முன்னதாக நியூசிலாந்து கேப்டன் கேன் வில்லியம்சனுக்கு கரோனா தொற்று உறுதியாகியனது. அவருக்கு எடுத்த ரேபிட் ஆண்டிஜன் டெஸ்ட்டில் கரோனா பாசிட்டிவ் என்று வந்துள்ளது. இந்நிலையில் தற்போது மேலும் ஒரு வீரருக்கு கரோனா தொற்று உறுதிசெய்யப்பட்டுள்ளது நியூசிலாந்துக்கு பெரும் பின்னடைவை ஏற்படுத்தியுள்ளது.

Win Big, Make Your Cricket Tales Now