சிபிஎல் 2021: பொல்லார்ட் அதிரடியில் கடின இலக்கை நிர்ணயித்த நைட் ரைடர்ஸ்!

ஜமைக்கா தலாவாஸ் அணிக்கெதிரான போட்டியில் முதலில் பேட்டிங் செய்த டிரின்பாகோ நைட் ரைடர்ஸ் அணி 168 ரன்களை இலக்காக நிர்ணயித்துள்ளது.

சிபிஎல் டி20 தொடரில் இன்று நடைபெற்றும் வரும் 19ஆவது லீக் ஆட்டத்தில் டிரின்பாகோ நைட் ரைடர்ஸ் - ஜமைக்கா தலாவாஸ் அணிகள் பலப்பரீட்சை நடத்தி வருகின்றன. இதில் டாஸ் வென்ற தலாவாஸ் அணி முதலில் பந்துவீச தீர்மானித்தது. 

அதன்படி களமிறங்கிய நைட் ரைடர்ஸ் அணிக்கு லெண்டல் சிம்மன்ஸ் - லியானார்டோ ஜூலியன் இணை அதிரடியான தொடக்கத்தைக் கொடுத்தனர். பின் ஜூலியன் 17 ரன்களில் ஆட்டமிழக்க, மறுமுனையில் அரைசதமடிப்பார் என்று எதிர்பார்க்கப்பட்ட நிலையில் சிம்மன்ஸ் 42 ரன்களில் ஆட்டமிழந்தார். 

பின் ஐந்தாவது விக்கெட்டிற்கு ஜோடி சேர்ந்த கிரேன் பொல்லார்ட் - டிம் செய்ஃபெர்ட் இணை அதிரடியாக விளையாடி ரன் குவிப்பில் ஈடுபட்டது. 

இதன் மூலம் 20 ஓவர்கள் முடிவில் டிரின்பாகோ நைட் ரைடர்ஸ் அணி 4 விக்கெட்டுகளை இழந்து 167 ரன்களைக் குவித்தது. இதில் பொல்லார்ட் 39 ரன்களுடனு, செய்ஃபெர்ட் 24 ரன்களுடனும் ஆட்டமிழக்காமல் இருந்தனர். 

Win Big, Make Your Cricket Tales Now