சிபிஎல் 2021: கோப்பையை வென்றது பேட்ரியாட்ஸ்!
சிபிஎல் டி20 தொடரின் இறுதிப்போட்டியில் செயிண்ட் கிட்ஸ் அண்ட் நேவிஸ் பேட்ரியாட்ஸ் அணி 3 விக்கெட் வித்தியாசத்தியில் செண்ட் லூசியா கிங்ஸ் அணியை வீழ்த்தி கோப்பையை வென்றது.
சிபிஎல் 2021 தொடரின் இறுதிப்போட்டி நேற்று நடைபெற்றது. இதில் செயிண்ட் லூசியா கிங்ஸ் அணி, செயிண்ட் கிட்ஸ் அண்ட் நேவிஸ் பேட்ரியாட்ஸ் அணியை எதிர்கொண்டது.
இதில் டாஸ் வென்று முதலில் பேட்டிங் செய்த செயிண்ட் லூசியா கிங்ஸ் அணி 20 ஓவர்கள் முடிவில் 7 விக்கெட் இழப்பிற்கு 159 ரன்களைச் சேர்த்தது. இதில் அதிகபட்சமாக ரகீம் கார்ன்வால், ரோஸ்டன் சேஸ் தலா 43 ரன்களைச் சேர்த்தனர்.
Trending
இதையடுத்து இலக்கைத் துரத்திய பேட்ரியாட்ஸ் அணியில் கெயில், லூயிஸ் ஆகியோர் சொற்ப ரன்களில் ஆட்டமிழந்து பெவிலியன் திரும்பினர். பின்னர் வந்த ஜோஷுவா டா சில்ல 37, ரூதர்ஃபோர்டு 25, பிராவோ 8 என அடுத்தடுத்து விக்கெட்டுகளை இழந்தனர்.
இதனால் செயிண்ட் லூசியா கிங்ஸ் அணி கோப்பையை வெல்லும் என்ற எதிர்பார்பே இருந்தது. ஆனால் அதைத்தொடர்ந்து வந்த டோமினிக் டிரேக்ஸ் அதிரடியாக விளையாடி தோல்வியின் விழிம்பிலிருந்து பேட்ரியாட்ஸ் அணிக்கு வெற்றியைத் தேடித்தந்தார்.
இதனால் 20 ஓவர்கள் முடிவில் பேட்ரியாட்ஸ் அணி 7 விக்கெட் இழப்பிற்கு 160 ரன்களைச் சேர்த்து, 3 விக்கெட் வித்தியாசத்தில் செயிண்ட் லூசியா கிங்ஸ் அணியை வீழ்த்தியது.
Also Read: இந்திய அணியின் இங்கிலாந்து சுற்றுப்பயணம், 2021
இந்த வெற்றியின் மூலம் செயிண்ட் கிட்ஸ் அண்ட் நேவிஸ் பேட்ரியாட்ஸ் அணி சிபிஎல் 2021 தொடரில் சாம்பியன் பட்டத்தையும் கைப்பற்றி அசத்தியது.
Win Big, Make Your Cricket Tales Now
Cricket Scorecard
