சிபிஎல் 2022: கயானா வாரியர்ஸை வீழ்த்தியது பார்போடாஸ் ராயல்ஸ்!
கயானா அமேசன் வாரியர்ஸ் அணிக்கெதிரான சிபிஎல் லீக் ஆட்டத்தில் பார்போடாஸ் ராயல்ஸ் அணி 29 ரன்கள் வித்தியாசத்தில் அபார வெற்றியைப் பதிவுசெய்தது.
இப்போட்டியில் டாஸ் வென்ற கயானா வாரியர்ஸ் அணி முதலில் பந்துவீசுவதாக தீர்மானித்தது. மேலும் போட்டி தொடங்குவதற்கு முன்னதாக மழைக் குறுக்கிட்டதன் காரணமாக ஆட்டம் 16 ஓவர்களாக குறைக்கப்பட்டது.
Trending
அதன்படி களமிறங்கிய பார்போடாஸ் அணியில் கார்வால், மேயர்ஸ், போஷ்க், குயின்டன் டி காக் என நட்சத்திர வீரர்கள் அடுத்தடுத்து சொற்ப ரன்களுக்கு ஆட்டமிழந்து பெவிலியனுக்கு நடையைக் கட்டினர். இதையடுத்து களமிறங்கிய ஜேசன் ஹோல்டர் சிறப்பான ஆட்டத்தை வெளிப்படுத்தி ஸ்கோரை உயர்த்தினார்.
இறுதிவரை களத்திலிருந்த ஹோல்டர் 40 ரன்களைச் சேர்க்க, 16 ஓவர்கள் முடிவில் பார்போடாஸ் ராயல்ஸ் அணி 6 விக்கெட் இழப்பிற்கு 106 ரன்களைச் சேர்த்தது. கயானா அணி தரப்பில் சந்தர்பால் ஹேம்ராஜ் 3 விக்கெட்டுகளைக் கைப்பற்றினார்.
இதையடுத்து எளிய இலக்கை நோக்கி களமிறங்கிய கயானா அணியில் பால் ஸ்டிர்லிங், ஹேம்ராஜ், கீமா பால், ஹெட்மையர், கிளாசென், பிளாக்வுட், செஃபர்ட் உள்ளிட்ட நட்சத்திர வீரர்கள் அடுத்தடுத்து ஒற்றை இலக்க ரன்களோடு நடையைக் கட்டினர்.
அதன்பின் களமிறங்கிய வீரர்களும் சோபிக்க தவறியதால் 16 ஓவர்கள் முடிவில் கயானா அமேசன் வாரியர்ஸ் அணி 9 விக்கெட்டுகளை இழந்து 81 ரன்களை மட்டுமே எடுத்தது. இதன்மூலம் பார்போடாஸ் அணி 29 ரன்கள் வித்தியாசத்தில் அசத்தல் வெற்றியைப் பதிவுசெய்தது.
Win Big, Make Your Cricket Tales Now
