சிபிஎல் 2021: கெயில், லூயிஸ் அதிரடியில் இறுதிப்போட்டிக்கு நுழைந்தது பேட்ரியாட்ஸ்!

சிபிஎல் டி20 தொடரின் இரண்டாவது அரையிறுதிப்போட்டியில் கயானா அமேசன் வாரியர்ஸை வீழ்த்தி பேட்ரியாட்ஸ் அணி இறுதிப்போட்டிக்கு முன்னேறியது.

CPL: Gayle, Lewis guide Patriots to final (Image Source: Google)

சிபிஎல் தொடரில் இன்று நடைபெற்ற 2ஆவது அரையிறுதிப் போட்டியில் கயானா அமேசன் வாரியர்ஸ் - செயிண்ட் கிட்ஸ் அண்ட் நேவிஸ் பேட்ரியாட்ஸ் அணிகள் மோதின. இதில் டாஸ் வென்ற பேட்ரியாட்ஸ் முதலில் பந்துவீச தீர்மானித்தது. 

அதன்படி களமிறங்கிய வாரியர்ஸ் அணி ஹெட்மையரின் பொறுப்பான ஆட்டத்தால் 20 ஓவர்கள் முடிவில் 9 விக்கெட் இழப்பிற்கு 178 ரன்களைச் சேர்த்தது. இதில் ஹெட்மையர் 45 ரன்களைச் சேர்த்தார்.

அதன்பின் கடின இலக்கை துரத்திய பேட்ரியாட்ஸ் அணிக்கு கிறிஸ் கெயில் - எவின் லூயிஸ் இணை அதிரடியான தொடக்கத்தைக் கொடித்தது. இதில் கெயில் 42 ரன்களில் ஆட்டமிழக்க, எவின் லூயிஸ் அரைசதம் அடித்து அசத்தினார். 

அவரைத் தொடர்ந்து வந்த கேப்டன் பிராவோவும் தனது பங்கிற்கு 34 ரன்களைச் சேர்த்தார். இதன்மூலம் 17.5 ஓவர்களிலேயே பேட்ரியாட்ஸ் அணி இலக்கை எட்டி, 7 விக்கெட் வித்தியாசத்தில் வாரியர்ஸ் அணியை வீழ்த்தியது. 

மேலும் இந்த வெற்றியின் மூலம் சிபிஎல் 2021 தொடரின் இறுதிப்போட்டிக்கும் முன்னேறியுள்ளது. இன்று நடைபெறும் இறுதிப்போட்டியில் பேட்ரியாட்ஸ் அணி, செயிண்ட் லூசியா கிங்ஸ் அணியை எதிர்கொள்ளவுள்ளது.

Win Big, Make Your Cricket Tales Now