ரிஷப் இடத்திற்கு நான் ஆசைப்பட்டேனா? - இஷான் கிஷான்

ரிஷப் பந்தின் இடத்திற்கு இஷான் கிஷான் ஆசைப்பட்டாரா என்ற சர்ச்சைக்கு முடிவு கட்டப்பட்டுள்ளது.

இந்தியா - வெஸ்ட் இண்டீஸ் அணிகளுக்கு இடையேயான 3 போட்டிகள் கொண்ட டி20 தொடர் சமீபத்தில் முடிவடைந்தது. இதில் இந்திய அணி சிறப்பான வெற்றியை பெற்ற போதும், இஷான் கிஷான் மீது பல்வேறு விமர்சனங்கள் குவிந்து வருகிறது.

இந்த 3 போட்டிகளிலுமே கே.எல்.ராகுல் இல்லாததால், இளம் வீரர் இஷான் கிஷான் தான் தொடக்க வீரராக களமிறங்கினார். 3 போட்டிகளிலும் அவர் 35, 2, 34 என ரன்களை குவித்தார். இதில் 2 போட்டிகளில் ஸ்ட்ரைக் ரேட் 100க்கும் கீழே தான் இருந்தது. எனினும் அவரின் ரன்விகிதம் சிறப்பாக இருப்பதால் இலங்கை தொடருக்கும் சேர்க்கப்பட்டுள்ளார்.

இலங்கை தொடருக்கான அணியில் ரிஷப் பந்திற்கு ஓய்வு வழங்கப்பட்டுள்ளது. எனவே அவரின் இடத்திற்கு இஷான் கிஷான் வர முயற்சிக்கிறார். இருவருக்கும் இடையே மோதல் நிலவி வருகிறது. அவரை போன்றே அதிரடி காட்டி ரன்களை குவிக்க திட்டமிட்டு வருவதாக அவ்வபோது தகவல்கள் வெளியாகி வந்தன. இந்நிலையில் அதற்கெல்லாம் இஷான் கிஷான் முடிவு கட்டியுள்ளார்.

இதுகுறித்து பேசிய அவர், “என்னையும் ரிஷப் பந்தையும் நீங்கள் எப்போதுமே ஒன்றாக சுற்றித் திரிவதை பார்க்கலாம். அவர் எனது சிறந்த நண்பர். எங்களுக்கு நேரம் கிடைக்கும் போதெல்லாம் படம் பார்ப்பது, கிரிக்கெட்டை பற்றி பேசுவது என இருப்போம். எங்களுக்குள் இப்படி ஒரு ஆசை எனக்கூறுவது சிரிப்பாக இருக்கிறது.

அவரின் இடத்திற்கு என்றுமே நான் ஆசைப்பட்டதில்லை. அதே போல தான் அவரும். எங்களுக்கு கிரிக்கெட் ஆடவே நேரம் சரியாக இருக்கிறது. இதில் எங்கிருந்து போட்டிப்போடுவது” என வெளிப்படையாக தெரிவித்துள்ளார். 

Win Big, Make Your Cricket Tales Now