சிஎஸ்ஏ டி20 சேலஞ்ச் 2022: கோப்பையை வென்றது ராக்ஸ்!

டைட்டன்ஸுக்கு எதிரான சிஎஸ்ஏ டி20 சேலஞ்ச் இறுதிப்போட்டியில் ராக்ஸ் அணி 15 ரன்கள் வித்தியாசத்தில் வெற்றிபெற்று சாம்பியன் பட்டத்தைக் கைப்பற்றியது.

CSA T20 Challenge 2022: Rocks are the new Champion (Image Source: Google)

தென் ஆப்பிரிக்காவின் உள்ளூர் டி20 கிரிக்கெட் தொடரான சிஎஸ்ஏ சேலஞ்ச் டி20 தொடரின் இறுதிப் போட்டி இன்று நடைபெற்றது. இடில் டைட்டன்ஸ் - ராக்ஸ் அணிகள் பலப்பரீட்சை நடத்தின.

இதில் டாஸ் வென்ற ராக்ஸ் அணி முதலில் பேட்டிங் செய்ய தீர்மானித்து களமிறங்கியது. அதன்படி விளையாடிய ராக்ஸ் அணி ஆரம்பம் முதலே சீரான இடைவேளையில் விக்கெட்டுகளை இழந்து தடுமாறியது.

இருப்பினும் மறுமுனையில் பீட்டர் மாலன் அதிரடியான ஆட்டத்தை வெளிப்படுத்தி 71 ரன்களைச் சேர்த்தார். இதன்மூலம் 20 ஓவர்கள் முடிவில் ராக்ஸ் அணி 6 விக்கெட்டுகளை இழந்து 136 ரன்களைச் சேர்தது. 

பின்னர் 137 ரன்கள் எடுத்தால் வெற்றி என்ற இலக்குடன் களமிறங்கிய டைட்டன்ஸ் அணி தொடக்கம் முதலே எதிரணி பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்தனர்.

இதன் காரணமாக 20 ஓவர்கள் முடிவில் அந்த அணி 9 விக்கெட்டுகளை இழந்து 123 ரன்களை மட்டுமே எடுத்தது. இதன்மூலம் ராக்ஸ் அணி 15 ரன்கள் வித்தியாசத்தில் டைட்டன்ஸ் வீழ்த்தியது. 

இந்த வெற்றியின் மூலம் ராக்ஸ் அணி சிஎஸ்ஏ டி20 சேலஞ்ச் தொடரில் கோப்பையை வென்று சாம்பியனானது.

Win Big, Make Your Cricket Tales Now