சின்னக் கலைவாணர் விவேக் மறைவுக்கு சிஎஸ்கே இரங்கல்!

நெஞ்சுவலி காரணமாக சென்னை வடபழனி சிம்ஸ் மருத்துவமனையில் சிகிச்சைப் பெற்றுவந்த நகைச்சுவை நடிகர் விவேக் காலமானார்.

சின்னக் கலைவாணர் எனப் போற்றப்படும் ஜனங்களின் கலைஞன் பத்ம ஸ்ரீ விவேக் நெஞ்சுவலி காரணமாக நேற்று (ஏப்ரல் 16) சென்னை வடபழனியில் உள்ள தனியார் மருத்துவமனையில் அனுமதிக்கப்பட்டார். தொடர்ந்து அவர் தீவிர சிகிச்சைப் பிரிவுக்கு மாற்றப்பட்டு, அங்கு அவருக்கு எக்மோ மருத்துவ முறை அளிக்கப்பட்டது.  

இந்நிலையில் சிகிச்சை பலனளிக்காமல் நடிகர் விவேக் இன்று (ஏப்ரல் 17) அதிகாலை 4.35 மணியளவில் காலமானார். இதனை மருத்துவமனை நிர்வாகம் அதிகாரப்பூர்வமாக அறிவித்துள்ளது. அவரது இறப்புக்கு தலைவர்கள், திரைப் பிரபலங்கள், ரசிகர்கள், விளையாட்டு வீரர்கள்  என ஏராளமானோர் தங்களது இரங்கல்களைத் தெரிவித்துவருகின்றனர்.

Very few light up our lives with humour and human values in equal measure. All his saplings shall see through lifetimes. This diversion was taken too soon. Rest in Peace! pic.twitter.com/RKMmfGUrDx

— Chennai Super Kings - Mask Pdu Whistle Pdu! (@ChennaiIPL) April 17, 2021

அந்த வகையில் சென்னை சூப்பர் கிங்ஸ் அணி தனது ட்விட்டர் பதிவில் இரங்கலைத் தெரிவித்துள்ளது. அப்பதிவில், ”மிகச் சிலரே நகைச்சுவையுடனும் மனித விழுமியங்களுடன் நம் வாழ்க்கையை சம அளவில் ஒளிரச் செய்கிறார்கள். அவரது மரக்கன்றுகள் அனைத்தும் வாழ்நாள் முழுவதும் நம்மால் பார்க்கப்படும். இந்த திசைதிருப்பல் மிக விரைவில் எடுக்கப்பட்டது. அவரது ஆன்மா சாந்தியடையட்டும்” என்று பதிவிட்டுள்ளது.

மேலும் நடிகர் விவேக்கின் மறைவுக்கு இந்திய கிரிக்கெட் அணி வீரர்கள் ரவிச்சந்திரன் அஸ்வின், தினேஷ் கார்த்திக் ஆகியோர் சமூக வலைதளங்களில் தங்களது இரங்கலைத் தெரிவித்துள்ளனர். 

Win Big, Make Your Cricket Tales Now