சென்னை சூப்பர் கிங்ஸ் vs டெல்லி கேப்பிட்டல்ஸ் - அணிகள் ஓர் அலசல்!

ஐபிஎல் தொடரில் இன்று நடைபெறும் லீக் போட்டியில் சென்னை சூப்பர் கிங்ஸ் - டெல்லி கேப்பிட்டல்ஸ் அணிகள் பலப்பரீட்சை நடத்தவுள்ளன.

சென்னை சூப்பர் கிங்ஸ் vs டெல்லி கேப்பிட்டல்ஸ் - அணிகள் ஓர் அலசல்! (Image Source: Google)

18ஆவது சீசன் ஐபிஎல் தொடரானது விறுவிறுப்பாக நடைபெற்று வரும் நிலையில், இத்தொடரில் இன்று நடைபெறும் 17ஆவது லீக் போட்டியில் ருதுராஜ் கெய்க்வாட் தலைமையிலான சென்னை சூப்பர் கிங்ஸ் மற்றும் அக்ஸர் படேல் தலைமையிலான டெல்லி கேப்பிட்டல்ஸ் அணிகள் பலப்பரீட்சை நடத்தவுள்ளன.

இவ்விரு அணிகளுக்கும் இடையேயான இப்போட்டியானது சென்னையில் உள்ள எம் ஏ சிதம்பரம் கிரிக்கெட் மைதானத்தில் நடைபெறவுள்ளது. இதில் சென்னை சூப்பர் கிங்ஸ் அணியானது அடுத்தடுத்த தோல்விக்களுக்கு பிறகு இப்போட்டியை எதிர்கொள்கிறது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம். 

சென்னை சூப்பர் கிங்ஸ் 

ருதுராஜ் கெய்க்வாட் தலைமையில் முதல் போட்டியை வென்ற சிஎஸ்கே அணி, அடுத்தடுத்த போட்டிகளில் தோல்வியைத் தழுவி ஏமாற்றமளித்துள்ளது. அணியின் பேட்டிங்கில் ரச்சின் ரவீந்திரா நம்பிக்கை நட்சத்திரமாக இருந்தாலும், ராகுல் திரிபாதியின் ஃபார்ம் அணிக்கு பெரும் பின்னடைவாக பார்க்கப்படுகிறது. மேற்கொண்டு இன்றைய போட்டியில் ருதுராஜ் கெய்க்வாட்டும் விளையாட மட்டார் என்பதால் அது அணியின் பேட்டிங் ஆர்டரை மேலும் பலவீனப்படுத்தியுள்ளது.

இதனால் இன்றைய ஆட்டத்தில் டெவான் கான்வேவுக்கு வாய்ப்பு வழங்கப்படும் என்றும் எதிர்பார்க்கப்படுகிறது. அணியின் பந்துவீச்சை பொறுத்தமட்டில் நூர் அஹ்மத், மதீஷா பதிரானா, கலீல் அஹ்மத் ஆகியோர் அபார ஆட்டத்தை வெளிப்படுத்தி வருகின்றனர். இவர்களுடன் ரவீந்திர ஜடேஜா, ரவிச்சந்திரன் அஸ்வின் ஆகியோரும் சோபிக்கும் பட்சத்தில் சென்னை சூப்பர் கிங்ஸ் அணி அடுத்தடுத்து வெற்றிகளைக் குவிக்கும் என்பதில் சந்தேகமில்லை. 

சென்னை சூப்பர் கிங்ஸ் உத்தேச லெவன்: ரச்சின் ரவீந்திர, ராகுல் திரிபாதி, டெவான் கான்வே, விஜய் சங்கர், ஷிவம் துபே, ரவீந்திர ஜடேஜா, ரவிச்சந்திரன் அஷ்வின், மகேந்திர சிங் தோனி (கே), நூர் அகமது, கலீல் அகமது. இம்பேக்ட் வீரர் - மதீஷா பதிரானா

டெல்லி கேப்பிட்டல்ஸ் 

அக்​சர் படேல் தலை​மையி​லான டெல்லி கேபிடல்ஸ் அணி அடுத்தடுத்து வெற்றிகளுக்கு பிறகு இப்போட்டியில் விளையாடவுள்ளது. அந்த அணியின் பேட்டிங்கைப் பொறுத்தமட்டில் ஃபாஃப் டு பிளெஸ்சிஸ், ஜேக் ஃபிரேசர் மெக்குர்க், கேஎல்​​ராகுல், அபிஷேக் போரெல், டிரிஸ்​டன் ஸ்டப்ஸ் ஆகியோர் அதிரடி​யாக விளை​யாடும் திறன் கொண்​ட​வர்​கள். பின் வரிசை​யில் அஷுதோஷ் சர்​மா, அக்​சர் படேல், விப்​ராஜ் நிகாம் ஆகியோரும் அணிக்கு கைகொடுக்கின்றனர். 

அதேசமயம் பந்துவீச்சில் மிட்செல் ஸ்டார்க், குல்தீப் யாதவ், மோஹித் சர்மா உள்ளிட்டோருடன் முகேஷ் குமாரும் அணியில் உள்ளது கூடுதல் உத்வேகமளிக்கும். ஏற்கெனவே அந்த அணி தற்போது வரை தோல்வியை தழுவாமல் இப்போட்டியை எதிர்கொள்ளவுள்ளதால், ஹாட்ரிக் வெற்றியைப் பதிவுசெய்ய முயற்சிக்கும். அதனால் இன்றைய ஆட்டத்திலும் சிறப்பாக செயல்பட்டு தங்களுடைய இரண்டாவது வெற்றியைப் பெறுத்திருந்து தான் பார்க்க வேண்டும். 

டெல்லி கேப்பிட்டல்ஸ் உத்தேச லெவன்: ஜேக் ஃபிரேசர் மெக்குர்க், ஃபாஃப் டு பிளெசிஸ், அபிஷேக் போரல், கே.எல். ராகுல், டிரிஸ்டன் ஸ்டப்ஸ், அக்சர் படேல் (கேட்ச்), விபராஜ் நிகம், மிட்செல் ஸ்டார்க், குல்தீப் யாதவ், மோகித் சர்மா, முகேஷ் குமார். இம்பாக்ட் வீரர் - சமீர் ரிஸ்வி.

நேருக்கு நேர்

• மோதிய போட்டிகள் - 30
• சென்னை சூப்பர் கிங்ஸ் – 19
• டெல்லி கேப்பிட்டல்ஸ் - 11

ஃபேண்டஸி லெவன் டிப்ஸ்

• விக்கெட் கீப்பர் - கே.எல். ராகுல்
• பேட்ஸ்மேன்கள் - ஃபாஃப் டு பிளெசிஸ் (துணை கேப்டன்), ரச்சின் ரவீந்திரா, ரிதுராஜ் கெய்க்வாட் (கேப்டன்), டிரிஸ்டன் ஸ்டப்ஸ்
• ஆல்-ரவுண்டர் - ரவீந்திர ஜடேஜா, அக்ஸர் படேல்
• பந்துவீச்சாளர்கள் - மிட்செல் ஸ்டார்க், குல்தீப் யாதவ், நூர் அகமது, மதிஷா பத்திரனா.