ஒருநாள் உலகக்கோப்பை தொடருக்கான தகுதிச்சுற்று போட்டிகள் ஜிம்பாப்வேவில் விறுவிறுப்பாக நடைபெற்றுவருகிறது. இதில் இன்று நடைபெற்றுவரும் 10ஆவது லீக் ஆட்டத்தில் நெதர்லாந்து மற்றும் அமெரிக்க அணிகள் பலப்பரீட்சை நடத்தி வருகின்றன. ஹராரேவில் நடைபெற்றுவரும் இப்போட்டியில் டாஸை வென்ற நெதர்லாந்து அணி முதலில் பந்துவீசுவதாக அறிவித்தது.
இதையடுத்து களமிறங்கிய அமெரிக்க அணிக்கு இப்போட்டியிலும் எதிர்பார்த்த தொடக்கம் கிடைக்கவில்லை. அணியின் டாப் ஆர்டர் வீரர்கள் சுஷாந்த் மதானி ரன்கள் ஏதுமின்றியும், ஸ்டீவ் டெய்லர் 10 ரன்களுக்கும், முக்கமல்லா 10 ரன்களுக்கும், கேப்டன் ஆரோன் ஜோன்ஸ் 8 ரன்களுக்கும் என அடுத்தடுத்து ஆட்டமிழந்து ஏமாற்றமளித்தனர்.
இதையடுத்து ஜோடி சேர்ந்த கஜானந்த் சிங் மற்றும் ஷயான் ஜஹாங்கீர் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். அதன்பின் கஜானந்த் சிங் 33 ரன்களுக்கும், நிசரக் படேல் ஒரு ரன்னிலும் என அடுத்தடுத்து விக்கெட்டுக்களை இழந்தனர்.
