காமன்வெல்த் 2022 இறுதிப்போட்டி: பெத் மூனி அரைசதம்; இந்தியாவுக்கு 162 டார்கெட்!
இந்தியாவுக்கு எதிரான காமன்வெல்த் இறுதிப்போட்டியில் முதலில் பேட்டிங் செய்த ஆஸ்திரேலிய மகளிர் அணி 162 ரன்களை இலக்காக நிர்ணயித்துள்ளது.
இப்போட்டியில் டாஸ் வென்றுள்ள ஆஸ்திரேலிய அணி முதலில் பேட்டிங் செய்வதாக தீர்மானித்துள்ளது. மேலும் இப்போட்டியில் வெற்றிபெறும் அணி தங்கப்பதக்கத்தை வெல்லும் என்பதால் இப்போட்டியின் மீதான எதிர்பார்ப்பும் அதிகரித்துள்ளது.
Trending
அதன்படி களமிறங்கிய ஆஸ்திரேலிய அணியில் அலிசா ஹீலி 7 ரன்களில் ஆட்டமிழந்தார். பின்னர் ஜோடி சேர்ந்த் பெத் மூனி - கேப்டன் மெக் லெனிங் இணை ஆரம்பத்தில் நிதானமாக விளையாடினாலும், பின்னர் அதிரடி காட்ட தொடங்கியது.
இதில் மெக் லெனிங் 36 ரன்களில் ஆட்டமிழக்க, அடுத்து வந்த தஹிலா மெக்ராத்தும் 3 ரன்களோடு பெவிலியன் திரும்பினார். ஆனாலும் மறுமுனையில் அதிரடியாக விளையாடி வந்த பெத் மூனி அரைசதம் அடித்ததுடன் 61 ரன்களைச் சேர்த்து ஆட்டமிழந்தார்.
அதன்பின் அஷ்லெக் கார்ட்னர் 15 பந்துகளில் 25 ரன்களைச் சேர்த்து ஆட்டமிழந்தார். அவரைத் தொடர்ந்து வந்த வீராங்கனைகளும் சொற்ப ரன்களுக்கு விக்கெட்டை இழந்தனர்.
இதனால் 20 ஓவர்கள் முடிவில் ஆஸ்திரேலிய மகளிர் அணி 8 விக்கெட்டுகளை இழந்து 161 ரன்களைச் சேர்த்தது. இந்திய அணி தரப்பில் ரேனுகா சிங், ஸ்நே ராணா தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
