வெஸ்ட் இண்டீஸின் மூன்று வடிவிலான கிரிக்கெட் ஒப்பந்தத்தையும் பெற்ற ஹோல்டர்!

வெஸ்ட் இண்டீஸ் கிரிக்கெட் அணியின் மூன்று வடிவிலான கிரிக்கெட் ஒப்பந்தத்திற்கும் ஜேசன் ஹோல்டர் தேர்வு செய்யப்பட்டுள்ளார்.

CWI hand all-format retainer contract to Jason Holder (Image Source: Google)

வெஸ்ட் இண்டீஸ் கிரிக்கெட் அணியின் முன்னாள் கேப்டன் ஜேசன் ஹோல்டர். இவர் வெஸ்ட் இண்டீஸ் அணியின் அனைத்து விதமான கிரிக்கெட் போட்டிகளுக்கு கேப்டனாக பதவி வகித்தார். 

அதன்பின் ஒருநாள் மற்றும் டி20 அணியின் கேப்டனாக் பொல்லார்டும், டெஸ்ட் அணியின் கேப்டனாக கிரேக் பிராத்வைட்டும் நியமிக்கப்பட்டனர். 

இந்நிலையில் வெஸ்ட் இண்டீஸ் கிரிக்கெட் வாரியம் 2021-22ஆம் ஆண்டிற்கான வீரர்களின் ஒப்பந்த பட்டியலை இன்று வெளியிட்டுள்ளது. 

இதில் ஜேசன் ஹோல்டர், வெஸ்ட் இண்டீஸ் அணியின் டெஸ்ட், ஒருநாள் மற்றும் டி20 போட்டிகளுக்கான ஒப்பந்தத்தை பெற்றுள்ளார். மேலும் மூன்று வடிவிலான ஒப்பந்தத்தையும் பெற்ற ஒரே வீரராகவும் திகழ்கிறார். 

அதேசமயம் டெஸ்ட் போட்டிகளுக்கான ஒப்பந்த பட்டியலில், கிரெய்க் பிராத்வைட், ஜெர்மைன் பிளாக்வுட், நக்ருமா பொன்னர், ரஹ்கீம் கார்ன்வால், ஜோசுவா டா சில்வா, ஷானன் கேப்ரியல், கைல் மேயர்ஸ், கீமார் ரோச் ஆகியோர் பெற்றுள்ளனர்.

ஒருநாள் மற்றும் டி20 போட்டிகளுக்கான ஒப்பந்தம் கீரோன் பொல்லார்ட், ஃபேபியன் ஆலன், டேரன் பிராவோ, ஷாய் ஹோப், அகீல் ஹொசைன், எவின் லூயிஸ், அல்சாரி ஜோசப், நிக்கோலஸ் பூரன்,ஹேடன் வால்ஷ் ஜூனியர் ஆகியோருக்கு வழங்கப்பட்டுள்ளது குறிப்பிடத்தக்கது.

Win Big, Make Your Cricket Tales Now