தி ஹண்ரட்: புள்ளிப்பட்டியலின் முதலிடத்திற்கு முன்னேறிய ராக்கெட்ஸ்!

தி ஹண்ரட் ஆடவர் தொடரில் நேற்று நடைபெற்ற லீக் ஆட்டத்தில் ட்ரெண்ட் ராக்கெட்ஸ் அணி 7 விக்கெட் வித்தியாசத்தில் லண்டன் ஸ்பிரிட் அணியை வீழ்த்தி வெற்றிபெற்றது.

தி ஹண்ரட் ஆடவர் தொடரில் நேற்று நடைபெற்ற 10ஆவது லீக் ஆட்டத்தில் லண்டன் ஸ்பிரிட் - ட்ரெண்ட் ராக்கெட்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற லண்டன் அணி முதலில் பந்துவீச தீர்மானித்தது. 

அதன்படி களமிறங்கிய ராக்கெட்ஸ் அணிக்கு டி ஆர்சி ஷார்ட் - அலெக்ஸ் ஹேல்ஸ் இணை அதிரடியான தொடக்கத்தைக் கொடுத்தனர். இதில் சிறப்பாக விளையாடியா டி ஆர்சி ஷார்ட் அரைசதம் அடித்ததோடு, 70 ரன்களை எடுத்து இறுதிவரை ஆட்டமிழக்காமல் இருந்தார். 

இதன் மூலம் ட்ரெண்ட் ராக்கெட்ஸ் அணி 100 பந்துகள் முடிவில் 4 விக்கெட்டுகளை மட்டுமெ இழந்து 124 ரன்களை சேர்த்தது. லண்டன் அணி தரப்பில் முகமது நபி 2 விக்கெட்டுகளைக் கைப்பற்றினர்.

இதையடுத்து இலக்கை நோக்கி களமிறங்கிய லண்டன் ஸ்பிரிட் அணி தொடக்கம் முதலே சீரான இடைவேளையில் விக்கெட்டுகளை இழந்து தடுமாறியது. 

இறுதியில் அந்த அணி இன்னிங்ஸ் முடிவில் 8 விக்கெட்டுகளை இழந்து 116 ரன்களை மட்டுமே சேர்த்தது. இதன்மூலம் ட்ரெண்ட் ராக்கெட்ஸ் அணி 7 ரன்கள் வித்தியாசத்தில் லண்டன் ஸ்பிரிட் அணியை வீழ்த்தி த்ரில் வெற்றியைப் பெற்றதோடு, புள்ளிப்பட்டியலிலும் முதலிடத்திற்கு முன்னேறி அசத்தியுள்ளது.