டெல்லி கேப்பிட்டல்ஸ் vs மும்பை இந்தியன்ஸ் - அணிகள் ஓர் அலசல்!
ஐபிஎல் தொடரில் இன்று நடைபெறும் லீக் போட்டியில் டெல்லி கேப்பிட்டல்ஸ் மற்றும் மும்பை இந்தியன்ஸ் அணிகள் பலப்பரீட்சை நடத்தவுள்ளன.
இவ்விரு அணிகளுக்கும் இடையேயான இப்போட்டியானது டெல்லியில் உள்ள அருன் ஜெட்லி கிரிக்கெட் மைதானத்தில் நடைபெறவுள்ளது. இதில் டெல்லி கேப்பிட்டல்ஸ் அணி அடுத்தடுத்து வெற்றிகளைப் பதிவுசெய்து வரும் நிலையில், மும்பை இந்தியன்ஸ் அணி தொடர் தோல்விகளைச் சந்தித்து வருகிறது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளது. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம்.
Trending
டெல்லி கேப்பிட்டல்ஸ்
அக்சர் படேல் தலைமையிலான டெல்லி கேபிடல்ஸ் அணி அடுத்தடுத்து வெற்றிகளுக்கு பிறகு இப்போட்டியில் விளையாடவுள்ளது. அந்த அணியின் பேட்டிங்கைப் பொறுத்தமட்டில் ஃபாஃப் டு பிளெஸ்சிஸ், ஜேக் ஃபிரேசர் மெக்குர்க், கேஎல்ராகுல், அபிஷேக் போரெல், டிரிஸ்டன் ஸ்டப்ஸ் ஆகியோர் அதிரடியாக விளையாடும் திறன் கொண்டவர்கள். பின் வரிசையில் அஷுதோஷ் சர்மா, அக்ஸர் படேல், விப்ராஜ் நிகாம் ஆகியோரும் அணிக்கு கைகொடுக்கின்றனர்.
அதேசமயம் பந்துவீச்சில் மிட்செல் ஸ்டார்க், குல்தீப் யாதவ், மோஹித் சர்மா உள்ளிட்டோருடன் முகேஷ் குமாரும் அணியில் உள்ளது கூடுதல் உத்வேகமளிக்கும். ஏற்கெனவே அந்த அணி தற்போது வரை தோல்வியை தழுவாமல் ஹாட்ரிக் வெற்றியைப் பதிவுசெய்து அசத்தியதன் காரணமாக, இன்றைய ஆட்டத்திலும் சிறப்பாக செயல்பட்டு தங்களுடைய வெற்றி கணக்கை தொடருமா என்ற எதிர்பார்ப்புகள் ரசிகர்கள் மத்தியில் அதிகரித்துள்ளனர்.
டெல்லி கேப்பிட்டல்ஸ் உத்தேச லெவன்: ஜேக் ஃபிரேசர் மெக்குர்க், ஃபாஃப் டு பிளெசிஸ், அபிஷேக் போரல், கே.எல். ராகுல், டிரிஸ்டன் ஸ்டப்ஸ், அக்சர் படேல் (கேட்ச்), விபராஜ் நிகம், மிட்செல் ஸ்டார்க், குல்தீப் யாதவ், மோகித் சர்மா, முகேஷ் குமார். இம்பாக்ட் வீரர் - சமீர் ரிஸ்வி.
மும்பை இந்தியன்ஸ்
ஹர்திக் பாண்டியா தலைமையிலான மும்பை இந்தியன்ஸ் அணிக்கு நடப்பு ஐபிஎல் சீசன் பெரும் சோகக்கதையாக மாறி வருகிறது. ஏனெனில் இதுவரை அந்த அணி விளையாடிய 5 போட்டிகளில் ஒன்றில் மட்டுமே வெற்றியைப் பதிவுசெய்துள்ளது. அந்த அணியின் பேட்டிங்கைப் பொறுத்தவரையில் சூர்யகுமார் யாதவ், ஹர்திக் பாண்டியா சிறப்பாக செயல்படும் பட்சத்தில் ரிக்கெல்டன், ரோஹித் சர்மா, திலக் வர்மா உள்ளிட்டோர் சோபிக்க தவறுவது பெரும் பின்னடைவாக பார்க்கப்படுகிறது.
பந்துவீச்சைப் பொறுத்த மட்டும் டிரென்ட் போல்ட், தீபக் சஹார், ஹர்திக் பாண்டியா, மிட்செல் சான்ட்னர் ஆகியோருடன் அஷ்வானி குமார், விக்னேஷ் புதூர் உள்ளிட்டோர் சிறப்பாக செயல்பட்டாலும், அவ்வபோது ரன்களை வாரி வழங்குவது எதிரணிக்கு சாதகமாக பார்க்கப்படுகிறது. இந்நிலையில் ஜஸ்பிரித் பும்ரா மீண்டும் அணியில் இணைந்துள்ளது அணிக்கு பெரும் பலமாக பார்க்கப்படுகிறது. இதனால் இன்றைய ஆட்டத்தில் அந்த அணி வெற்றிபெறுமா என்பதை பொறுத்திருந்து தான் பார்க்க வேண்டும்.
மும்பை இந்தியன்ஸ் உத்தேச லெவன்: வில் ஜாக்ஸ், ரியான் ரிக்கல்டன் (விக்கெட் கீப்பர்), நமன் தீர், சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), மிட்செல் சான்ட்னர், ஜஸ்பிரித் பும்ரா, டிரென்ட் போல்ட், அஷ்வினி குமார், தீபக் சாஹர்
நேருக்கு நேர்
- மோதிய போட்டிகள் – 35
- மும்பை இந்தியன்ஸ் – 19
- டெல்லி கேப்பிட்டல்ஸ் - 16
Also Read: Funding To Save Test Cricket
ஃபேண்டஸி லெவன் டிப்ஸ்
- விக்கெட் கீப்பர் - கே.எல். ராகுல் (துணை கேப்டன்), ரியான் ரிக்கெல்டன்
- பேட்ஸ்மேன்கள் - ஃபாஃப் டு பிளெசிஸ், சூர்யகுமார் யாதவ், திலக் வர்மா, டிரிஸ்டன் ஸ்டப்ஸ்
- ஆல்-ரவுண்டர்கள் - அக்சர் படேல், ஹார்டிக் பாண்ட்யா (கேப்டன்)
- பந்து வீச்சாளர்கள்- மிட்செல் ஸ்டார்க், ஜஸ்பிரித் பும்ரா, குல்தீப் யாதவ்.
Win Big, Make Your Cricket Tales Now
