ஐபிஎல் 2021: தவான், ஸ்டோய்னிஸ் அதிரடியில் பஞ்சாப்பை பந்தாடிய டெல்லி!

ஐபிஎல் தொடரில் இன்று நடைபெற்ற 11ஆவது லீக் ஆட்டத்தில் டெல்லி கேப்பிட்டல்ஸ் அணிம், பஞ்சாப் கிங்ஸ் அணியை எதிர்கொண்டது. இப்போட்டியில் டாஸ் வென்ற டெல்லி அணி கேப்டன் ரிஷப் பந்த் முதலில் பந்துவீசத் தீர்மானித்தார். 
 
அதன்படி களமிறங்கிய பஞ்சாப் அணிக்கு தொடக்க வீரர்கள் கே.எல்.ராகுல், மயாங்க் அகர்வால் ஆகியோர் அரைசதமடித்து உதவினர். இதனால் 20 ஓவர்கள் முடிவில் பஞ்சாப் கிங்ஸ் அணி 4 விக்கெட் இழப்பிற்கு 195 ரன்களைக் குவித்தது. 
 
அந்த அணியில் அதிகபட்சமாக மயாங்க் அகர்வால் 69 ரன்களையும், ராகுல் 62 ரன்களையும் சேர்த்தனர். 
 
பின் இமாலய இலக்கை நோக்கி களமிறங்கிய டெல்லி அணிக்கு ஆரம்பமே அதிர்ச்சியளிக்கும் வகையில், பிரித்வி ஷா 32 ரன்களிலும், ஸ்மித் 9 ரன்களிலும் ஆட்டமிழந்து வெளியேறினர். 
 
இருப்பினும் மறுமுனையில் அதிரடியான ஆட்டத்தை வெளிப்படுத்தி வந்த ஷிகர் தவான் அரைசதம் கடந்து நம்பிக்கை அளித்தார். பின் சதமடிப்பார் என எதிர்பார்க்கப்பட்ட தவான் 92 ரன்கள் எடுத்திருந்த நிலையில் ஆட்டமிழந்தார். 
 
பின்னர் களமிறங்கிய மார்கஸ் ஸ்டோய்னிஸ் ஒரு சில பவுண்டரிகளைப் பறக்கவிட்டு அணிக்கு வெற்றியைத் தேடித் தந்தார்.  இதன்மூலம் 18.2 ஓவர்களிலேயே டெல்லி அணி வெற்றி இலக்கை எட்டி 6 விக்கெட் வித்தியாசத்தில் பஞ்சாப் கிங்ஸ் அணியை வீழ்த்தி அபார வெற்றிபெற்றது.
 

Win Big, Make Your Cricket Tales Now