மைதானத்தில் 'ஸ்ரீவள்ளி' நடனமாடிய டுவைன் பிராவோ - வைரல் காணொளி!

புஷ்பா படத்தின் ஸ்ரீவள்ளி பாடலுக்கு, மைதானத்திலேயே பிரபல வெளிநாட்டு வீரர் நடனம் ஆடிய காணொளி இணையத்தில் அதிகம் வைரலாகி வருகிறது.

இந்திய நடிகர் அல்லு அர்ஜுன் நடிப்பில், கடந்த ஆண்டு டிசம்பர் மாதம் வெளியாகியிருந்த திரைப்படம் 'புஷ்பா'. திரையிட்ட அனைத்து இடங்களிலும் படம் சூப்பர் ஹிட் ஆன நிலையில், அதிக வசூலையும் அள்ளிக் குவித்தது.

புஷ்பா படத்தில், அல்லு அர்ஜுனின் வித்தியாசமான நடிப்பு எந்த அளவுக்கு பேசப்பட்டதோ, அந்த அளவுக்கு படத்தின் பாடல்கள் மற்றும் வசனங்கள் ஆகியனவும், நேஷனல் லெவலுக்கு வைரலானது.

அதிலும் குறிப்பாக, பாடல்களில் வரும் நடன அசைவுகளுக்கு, பல சினிமா மற்றும் கிரிக்கெட் பிரபலங்கள் நடனமாடி, வீடியோக்களை வெளியிட்டு வருகின்றனர். சமீபத்தில் கிரிக்கெட் வீரர்களான டேவிட் வார்னர், சுரேஷ் ரெய்னா, ஜடேஜா உள்ளிட்டோர், புஷ்பா படம் தொடர்பான வசனங்கள் மற்றும் பாடல்கள் தொடர்பான வீடியோக்களை வெளியிட்டு வந்தனர். இந்த லிஸ்ட்டில் தற்போது ஒரு பிரபல வெளிநாட்டு கிரிக்கெட் வீரரும் இணைந்துள்ளார்.

இவர் ஒரு படி மேலே சென்று, கிரிக்கெட் போட்டிக்கு நடுவே புஷ்பா படத்தின் ஸ்டெப் ஒன்றைப் போட்டுள்ளார். இந்தியாவில் ஐபிஎல் போட்டிகள் நடைபெறுவது போல, பங்களாதேஷ் நாட்டில் தற்போது பங்களதேஷ் பிரீமியர் லீக் என்னும் தொடர் நடைபெற்று வருகிறது.

இதில், கோமிலா விக்டோரியன்ஸ் மற்றும் ஃபார்ச்சூன் பாரிஷால் ஆகிய அணிகளுக்கு இடையேயான போட்டி நேற்று நடைபெற்றது. அப்போது, கோமிலா அணி பேட்டிங் செய்து கொண்டிருந்த சமயத்தில், 18 ஆவது ஓவரை வெஸ்ட் இண்டீஸ் வீரர் டுவைன் பிராவோ வீசினார்.

மெஹிதுல் இஸ்லாம் என்பவரின் விக்கெட்டை அதே ஓவரில் பிராவோ வீழ்த்த, மறுநொடியே புஷ்பா படத்தின் அல்லு அர்ஜுன் ஸ்டெப் ஒன்றை சில நொடிகள் ஆடிக் காட்டினார் பிராவோ. மிகச் சிறந்த கிரிக்கெட்டை வெளிப்படுத்தும் ஆல் ரவுண்டர் பிராவோ, ரசிகர்களை பொழுது போக்கவும் தவறுவதில்லை.

 

The Champion @DJBravo47 channels his inner

Win Big, Make Your Cricket Tales Now