ENG vs IND: லண்டன் சென்றடைந்த இந்திய அணி!

இங்கிலாந்து அணிக்கெதிரான இரண்டாவது டெஸ்ட் போட்டிக்காக விராட் கோலி தலைமையிலான இந்திய அணி லண்டன் சென்றடைந்தது.

இங்கிலாந்தில் சுற்றுப்பயணம் செய்துவரும் விராட் கோலி தலைமையிலான இந்திய அணி 5 போட்டிகள் கொண்ட டெஸ்ட் தொடரில் விளையாடி வருகிறது. 

இதில் ஆகஸ்ட் 4ஆம் தேதி நடைபெற்ற முதல் டெஸ்ட் போட்டியில் இந்திய அணி எளிதாக வெற்றி பெறும் என எதிர்பார்க்கப்பட்ட நிலையில், ஐந்தாம் நாள் ஆட்டம் முற்றிலும் மழையால் கைவிடப்பட்டதால், போட்டி டிராவில் முடிவடைந்தது. 

இந்நிலையில் இரு அணிகளும் மோதும் இரண்டாவது டெஸ்ட் போட்டி லண்டனிலுள்ள புகழ்பெற்ற லார்ட்ஸ் கிரிக்கெட் மைதானத்தில் ஆகஸ்ட் 12ஆம் தேதி நடைபெறுகிறது. இப்போட்டிக்காக இரு அணிகளும் தயாராகி வருகின்றன. 

இதையடுத்து இப்போட்டியில் பங்கேற்கும் இந்திய அணி நேற்றைய தினம் நாட்டிங்ஹாமிலிருந்து லண்டனுக்கு சென்றது. இதனை இந்திய அணி வீரர் விருத்திமான் சஹா சமூகவலைதளத்தில் புகைப்படத்தைப் பதிவிட்டு உறுதிசெய்துள்ளார். 

மேலும் இந்திய அணியில் கூடுதலாக சேர்க்கப்பட்ட பிரித்வி ஷா மற்றும் சூர்யகுமார் யாதவ் இருவரும் தனிமைப்படுத்துதல் காலத்தை முடித்துள்ளதால், இப்போட்டிக்கான இந்திய அணியில் இடம்பெறுவார்கள் என எதிர்பார்க்கப்படுகிறது.

Win Big, Make Your Cricket Tales Now