லார்ட்ஸ் டெஸ்டை கண்டுகளித்த பிரித்வி, சூர்யா!

இங்கிலாந்தில் தனிமைப்படுத்தல் காலத்தை முடித்துள்ள பிரித்வி ஷா, சூர்யகுமார் யாதவ் இருவரும் லார்ட்ஸ் டெஸ்ட் போட்டியை நேரில் கண்டு ரசித்தனர்.

இந்தியா - இங்கிலாந்து அணிகளுக்கு இடையேயான இரண்டாவது டெஸ்ட் போட்டி லண்டன் லர்ட்ஸ் கிரிக்கெட் மைதானத்தில் விறுவிறுப்பாக நடைபெற்று வருகிறது.

இதில் மூன்றாம் நாளான இன்று இங்கிலாந்து அணி தனது முதல் இன்னிங்ஸில் விளையாடி வருகிறது. இதில் அந்த அணியின் கேப்டன் ஜோ ரூட் சதமடித்து அசத்தினார். 

இந்நிலையில், இங்கிலாந்து தொடருக்காக இந்திய அணியின் சேர்க்கப்பட்ட பிரித்வி ஷா மற்றும் சூர்யகுமார் யாதவ் இருவரும் தனிமைப்படுத்துதல் காலத்தை முடித்து போட்டியில் விளையாட தயாராக உள்ளனர். 

இதன் ஒருபகுதியாக அவர்கள் இருவரும் இன்றைய தினம் லார்ட்ஸ் கிரிக்கெட் மைதானத்தில் இந்தியா - இங்கிலாந்து டெஸ்ட் போட்டியை நேரில் கண்டு ரசித்தனர். இப்புகைப்படம் சமூக வலைதளங்களில் வைரலாகி வருகிறது. 

முன்னதாக இந்திய அணி வீரர்கள் சுப்மன் கில், வாஷிங்டன் சுந்தர் ஆகியோர் காயம் காரணமாக தொடரிலிருந்து விலகியதை அடுத்து, இந்திய அணியின் கூடுதல் வீரர்களாக பிரித்வி ஷா மற்றும் சூர்யகுமார் யாதவ் சேர்க்கப்பட்டது குறிப்பிடத்தக்கது.

Win Big, Make Your Cricket Tales Now