ENG vs IND: மூன்றாவது டெஸ்டில் அஸ்வின்?

இங்கிலாந்து அணியுடனான மூன்றாவது டெஸ்ட் போட்டியில் இந்திய அணியில் ரவிச்சந்திரன் அஸ்வின் விளையாடுவார் என்ற தகவல் வெளியாகியுள்ளது.

இங்கிலாந்தில் சுற்றுப்பயணம் செய்துவரும் இந்திய அணி 5 போட்டிகள் கொண்ட டெஸ்ட் தொடரில் விளையாடி வருகிறது. இதில் முதல் போட்டி டிராவில் முடிய, இரண்டாவது போட்டியில் இந்திய அணி 151 ரன்கள் வித்தியாசத்தில் வெற்றிபெற்று, தொடரில் 1-0 என்ற கணக்கில் முன்னிலைப் பெற்றுள்ளது. 

இந்நிலையில் இங்கிலாந்து அணியுடனான முதல் இரண்டு டெஸ்ட் போட்டிகளிலும் நட்சத்திர சுழற்பந்து வீச்சாளர் ரவிச்சந்திரன் அஸ்வின் அணியில் இடம்பெறாதது, பல்வேறு விமர்சனங்களை கிளப்பியது. 

இதையடுத்து லீட்ஸில் நடைபெறும் 3ஆவது டெஸ்ட் போட்டிக்கான இந்திய அணி அஸ்வின் இடம்பெறுவார என்ற சந்தேகமும் ரசிகர்கள் மத்தியில் நிலவிவருகிறது. 

இந்நிலையில் இங்கிலாந்து அணியுடனான மூன்றாவது டெஸ்ட் போட்டியில் ரவீந்திர ஜடேஜாவுக்கு பதிலாக, ரவிச்சந்திரன் அஸ்வின் களமிறங்கவுள்ளார் என்ற தகவல் வெளியாகியுள்ளது. 

ஏனெனில் கடந்து இரண்டு போட்டிகளில் விளையாடிய ஜடேஜா பேட்டிங்கில் சிறப்பான பங்களிப்பைத் தந்தாலும் அவரால் இங்கிலாந்து அணிக்கெதிராக விக்கெட்டுகளை கைப்பற்ற முடியவில்லை. இதன் காரணமாகவே மூன்றாவது டெஸ்டில் அஸ்வின் விளையாடுவார் என எதிர்பார்க்கப்படுகிறது.

Win Big, Make Your Cricket Tales Now