ENG vs NZ, 2nd Test: சதமடித்து மிரட்டிய மிட்செல், பிளெண்டல்!

இங்கிலாந்துக்கு எதிரான இரண்டாவது டெஸ்ட் போட்டியின் இரண்டாம் நாள் உணவு இடைவேளையின் போது நியூசிலாந்து அணி 412 ரன்களைச் சேர்த்து வலிமையான நிலையில் உள்ளது.

இங்கிலாந்தில் சுற்றுப்பயணம் செய்துவரும் நியூசிலாந்து அணி மூன்று போட்டிகள் கொண்ட ஒருநாள் டெஸ்ட் தொடரில் விளையாடி வருகிறது. இதில் லண்டன் லார்ட்ச் லார்ட்ஸில் நடைபெற்ற முதல் டெஸ்டில் இங்கிலாந்து அணி வெற்றி பெற்று 1-0 என முன்னிலை வகிக்கிறது. 

இந்நிலையில் இரு அணிகளுக்கும் இடையேயான 2ஆவது டெஸ்ட் நாட்டிங்கமில் நடைபெற்று வருகிறது. இப்போட்டியில் டாஸ் வென்ற இங்கிலாந்து அணி ஃபீல்டிங்கைத் தேர்வு செய்தது. நியூசி. கேப்டன் கேன் வில்லியம்சனுக்கு கரோனா பாதிப்பு ஏற்பட்டதால் இந்த டெஸ்டில் அவர் பங்கேற்கவில்லை.

முதல் நாள் முடிவில் நியூசிலாந்து அணி 4 விக்கெட் இழப்புக்கு 318 ரன்கள் எடுத்துள்ளது. மிட்செல் 81 ரன்களும் பிளண்டல் 67 ரன்களும் எடுத்துக் களத்தில் இருந்தார்கள். 

இதையடுத்து இன்று இரண்டாம் நாள் ஆட்டத்தை தொடர்ந்த நியூசிலாந்து அணிக்கு மிட்செல் - பிளெண்டல் இணை சிறப்பான ஆட்டத்தை வெளிப்படுத்தி அசத்தினர். 

தொடர்ந்து அபார ஆட்டத்தை வெளிப்படுத்திய டெரில் மிட்செல் இன்று 97ஆவது ஓவரில் 184 பந்துகளில் தனது சதத்தைப் பூர்த்தி செய்தார் . இது அவருடைய 3ஆவது டெஸ்ட் சதம். லார்ட்ஸ் டெஸ்டில் சதமடித்த பிறகு 2ஆவது டெஸ்டிலும் சதமடித்து அசத்தியுள்ளார். 

மறுமுனை அவருக்கு துணையாக விளையாடி வந்த டாம் பிளெண்டலும் அபார ஆட்டத்தை வெளிப்படுத்தி சதம் விளாசினார். அதன்பின் 106 ரன்கள் எடுத்திருந்த பிளெண்டல் ஜேக் லீச் பந்துவீச்சில் ஆட்டமிழந்தார்.

இதனால் இரண்டாம் நாள் உணவு இடைவேளையின் போது நியூசிலாந்து அணி நியூசிலாந்து அணி  5 விக்கெட் இழப்புக்கு 412 ரன்கள் எடுத்துள்ளது. மிட்செல் 128, மிட்செல் பிரேஸ்வெல் 5 ரன்களுடன் களத்தில் உள்ளார்கள்.