ENG vs SL: பட்லர் அதிரடியில் இங்கிலாந்து அசத்தல் வெற்றி!

இலங்கை அணிக்கெதிரான முதல் டி20 போட்டியில் இங்கிலாந்து அணி 8 விக்கெட் வித்தியாசத்தில் வெற்றி பெற்று அசத்தியது.

இங்கிலாந்து - இலங்கை அணிகளுக்கு இடையேயான முதலாவது டி20 போட்டி நேற்று கார்டிஃபில் நடைபெற்றது. இப்போட்டியில் டாஸ் வென்ற இலங்கை அணி முதலில் பேட்டிங் செய்ய தீர்மானித்தது. 

அதன்படி களமிறங்கிய இலங்கை அணியில் கேப்டன் குசால் பெரேரா, ஷனகா ஆகியோரைத் தவிர மற்ற வீரர்கள் சொற்ப ரன்னில் ஆட்டமிழந்து ஏமற்றமளித்தனர். 

இதனால் 20 ஓவர்கள் முடிவில் இலங்கை அணி 7 விக்கெட் இழப்புக்கு 129 ரன்களை மட்டுமே எடுத்தது. இதில் அதிகபட்சமாக ஷனகா 50 ரன்களையும், குசால்பெரேரா 30 ரன்களையும் சேர்த்தனர். 

அதன்பின் எளிய இலக்கை நோக்கி களமிறங்கிய இங்கிலாந்து அணிக்கு ஜேசன் ராய் - ஜோஸ் பட்லர் இணை அதிரடியான தொடக்கத்தைக் கொடுத்தது. பின் 36 ரன்கள் எடுத்திருந்த ஜேசன் ராய், சமீரா பந்துவீச்சில் ஆட்டமிழக்க, மறுமுனையில் அதிரடியாக விளையாடிய ஜோஸ் பட்லர் அரைசதம் கடந்தார். 

இதன்மூலம் இங்கிலாந்து அணி 17.1 ஓவர்களிலேயே இலக்கை எட்டி 8 விகெட் வித்தியாசத்தில் இலங்கையை வீழ்த்தியது. மேலும் இப்போட்டியில் அதிரடியாக விளையாடி 68 ரன்களை குவித்த ஜோஸ் பட்லர் ஆட்டநாயகனாகத் தேர்வு செய்யப்பட்டார்.