ENG vs SL, 2nd T20: டாஸ் வென்ற இலங்கை அணி பேட்டிங்!

இங்கிலாந்து அணிக்கெதிரான இரண்டாவது டி20 போட்டியில் டாஸ் வென்ற இலங்கை அணி பேட்டிங் செய்யத் தீர்மானித்துள்ளது.

ENG vs SL, 2nd T20: Sri Lanka have won the toss and have opted to bat (Image Source: Google)

இங்கிலாந்தில் சுற்றுப்பயணம் செய்துவரும் இலங்கை அணி மூன்று டி20, மூன்று ஒருநாள் போட்டிகள் கொண்ட தொடரில் விளையாடி வருகிறது. 
 
இந்நிலையில் இரு அணிகளுக்கும் இடையேயான முதல் டி20 போட்டி நேற்று (ஜூன் 23) கார்டிஃபில் நடைபெற்றது. இப்போட்டியில் இங்கிலாந்து அணி 8 விக்கெட் வித்தியாசத்தில் வெற்றிபெற்று, டி20 தொடரில் 1-0 என்ற கணக்கில் முன்னிலைப் பெற்றது. 

இதைத்தொடர்ந்து இரு அணிகளுக்கும் இடையேயான இரண்டாவது டி20 போட்டி இன்று கார்டிஃபில் நடக்கிறது. இப்போட்டியில் டாஸ் வென்ற இலங்கை அணி கேப்டன் குசால் பெரேரா முதலில் பேட்டிங் செய்யத் தீர்மானித்துள்ளார். 

இப்போட்டிக்கான இலங்கை அணியில் விக்கெட் கீப்பர் பேட்ஸ்மென் நிரோசன் டிக்வெல்லா சேர்க்கப்பட்டுள்ளார். இங்கிலாந்து அணியில் ஜோஸ் பட்லர், கிறிஸ் வோக்ஸ் ஆகியோருக்கு பதிலாக சாம் பில்லிங்ஸ், டேவிட் வில்லி ஆகியோர் அணியில் சேர்க்கப்பட்டுள்ளனர்.

இங்கிலாந்து (விளையாடும் லெவன்): ஜேசன் ராய், டேவிட் மாலன், ஜானி பேர்ஸ்டோவ், ஈயன் மோர்கன் (கே), சாம் பில்லிங்ஸ், லியாம் லிவிங்ஸ்டன், சாம் கரண், டேவிட் வில்லி,கிறிஸ் ஜோர்டன், ஆதில் ரஷீத், மார்க் வுட்.

இலங்கை (விளையாடும் லெவன்): தனுஷ்கா குணதிலகா, அவிஷ்கா ஃபெர்னாண்டோ, குசல் பெரேரா (கே), குசால் மெண்டிஸ், நிரோசன் டிக்வெல்லா, தசுன் ஷானகா, வாணிந்து ஹசரங்கா, இசுரு உதனா, அகிலா தனஞ்சயா, துஷ்மந்தா சமீரா, பினுரா ஃபெர்னாண்டோ.

Win Big, Make Your Cricket Tales Now