WI vs ENG, 2nd T20I: பரபரப்பான ஆட்டத்தில் இங்கிலாந்து த்ரில் வெற்றி!

இங்கிலாந்துக்கு எதிரான இரண்டாவது டி20 போட்டியில் வெஸ்ட் இண்டீஸ் அணி ஒரு ரன் வித்தியாசத்தில் தோல்வியைத் தழுவியது.

வெஸ்ட் இண்டீஸில் சுற்றுப்பயணம் செய்து வரும் இங்கிலாந்து அணி 5 போட்டிகள் கொண்ட டி20 தொடரில் விளையாடி வருகிறது. இதில் முதல் டி20 போட்டியை வெஸ்ட் இண்டீஸ் அணி 9 விக்கெட்டுகள் வித்தியாசத்தில் வென்றது. 

இந்நிலையில் இரு அணிகளுக்கும் இடையேயான இரண்டாவது டி20 போட்டி இன்று நடைபெற்றது. இப்போட்டியில் டாஸ் வென்ற வெஸ்ட் இண்டீஸ் அணி முதலில் பந்துவீச தீர்மானித்தது. 

அதன்படி களமிறங்கிய அந்த அணிக்கு ஜேசன் ராய் - டாம் பாண்டன் ஆகியோர் சிறப்பான தொடக்கத்தைக் கொடுத்தன. அதன்பின் மோயின் அலி தனது பங்கிற்கு 31 ரன்களைச் சேர்த்தார். 

இதனால் 20 ஓவர்கள் முடிவில் இங்கிலாந்து அணி 8 விக்கெட்டுகளை இழந்து 171 ரன்களை மட்டுமே எடுத்தது. வெஸ்ட் இண்டீஸ் தரப்பில் ஹோல்டர், ஃபாபியன் ஆலன் தலா 2 விக்கெட்டுகளைக் கைப்பற்றினர். 

இதையடுத்து இலக்கை துரத்திய வெஸ்ட் இண்டீஸ் அணியில் பிராண்டன் கிங் முதல் பந்திலேயே ஆட்டமிழந்தார். அவரைத் தொடர்ந்து ஷாய் ஹோப், பூரன், பொல்லர்ட், பிராவோ, ஹோல்டர் என அடுத்தடுத்து விக்கெட்டுகள் சரிந்தது. 

பின்னர் ஜோடி சேர்ந்த ரோமாரிய செஃபெர்ட் - அகில் ஹொசைன் இணை அபார ஆட்டத்தை வெளிப்படுத்தி அணியை வெற்றியை நோக்கி நகர்த்தியது. இறுதி ஓவரில் வெஸ்ட் இண்டீஸ் அணி வெற்றிபெற 30 ரன்கள் தேவை என்ற இக்கட்டான சூழல் உருவானது. 

அந்த ஓவரை எதிர்கொண்ட அகீல் ஹொசைன் 2 பவுண்டரி, 3 அடுத்தடுத்த சிக்சர்களை விளாசியனார். ஆனாலும் அந்த அணியால் இன்னிங்ஸ் முடிவில் 170 ரன்களை மட்டுமே சேர்க்க முடிந்தது.

இதன்மூலம் இங்கிலாந்து அணி ஒரு ரன் வித்தியாசத்தில் வெஸ்ட் இண்டீஸை வீழ்த்தி, டி20 தொடரை 1-1 என்ற கணக்கில் சமன் செய்துள்ளது. இப்போட்டியில் சிறப்பாக பந்துவீசிய மொயீன் அலி அட்டநாயகனாகத் தேர்வு செய்யப்பட்டார்.