இங்கிலாந்து டெஸ்ட் தொடர் நல்ல ஒரு பயிற்சியாக இருக்கும் - டிம் சௌதி

இந்தியா - நியூசிலாந்து அணிகளுக்கு இடையேயான உலக டெஸ்ட் சாம்பியன்ஷிப் இறுதி போட்டி ஜூன் 18ஆம் தேதி சவுத்தாம்ப்டனில் நடைபெறுகிறது. 

இதற்கிடையில் நியூசிலாந்து அணி இரண்டு டெஸ்ட் போட்டிகள் அடங்கிய இங்கிலாந்து தொடரில் ஜூன் 02ஆம் தேதி முதல் விளையாடுகிறது. இதற்காக இரு நாட்டு அணிகளும் தனிமைப்படுத்தப்பட்டுள்ளனர்.

இந்நிலையில், உலக டெஸ்ட் சாம்பியன்ஷிப் தொடருக்கு முன்னதாக இங்கிலாந்து தொடர்  நாங்கள் பயிற்சி பெற மிகவும் உதவியாக இருக்கும் என நியூசிலாந்து அணியின் டிம் சௌதி தெரிவித்துள்ளார். 

இதுகுறித்து பேசிய சௌதி, “தற்போது எங்களது கவனம் முழுவதும் இங்கிலாந்து டெஸ்ட் தொடரில் தான் உள்ளது. அதேசமயம் உலக டெஸ்ட் சாம்பியன்ஷிப் இறுதி போட்டிக்கு முன்னதாக நாங்கள் இத்தொடரை விளையாடுவது, எங்களுக்கு ஒரு பயிற்சி ஆட்டத்தைப் போன்று இருக்கும். அதிலும் குறிப்பாக நாங்கள் இங்கிலாந்து மைதானத்தில் விளையாடவுள்ளதால், மைதானங்களில் தன்மைக் குறித்து எங்களுக்கு சில ஆலோசனைகள் கிடைக்க வாய்ப்புள்ளது” என்று தெரிவித்துள்ளார்.