பாகிஸ்தான் சுற்றுப்பயணம் செய்யும் இங்கிலாந்து; கூடுதலாக 2 டி20 போட்டிகள் சேர்ப்பு!
அடுத்தாண்டு பாகிஸ்தானில் சுற்றுப்பயணம் மேற்கொள்ளும் இங்கிலாந்து அணி கூடுதலாக 2 டி20 போட்டிகளில் விளையாடும் என இசிபி தலைமை செயல் அதிகாரி டாம் ஹாரிசன் தெரிவித்துள்ளார்.
ஆனால் பாதுகாப்பு காரணங்களினால் இத்தொடரை ரத்து செய்வதாக இங்கிலாந்து அணி அறிவித்தது. மேலும் நியூசிலாந்து அணியைத் தொடர்ந்து இங்கிலாந்து அதே காரணத்தைக் காட்டி தொடரை ரத்து செய்தது பெரும் அதிர்வலைகளை ஏற்படுத்தியிருந்தது.
Trending
இந்நிலையில் ரத்து செய்யப்பட்ட அத்தொடரானது அடுத்தாண்டு செப்டம்பர் - அக்டோபர் மாதங்களில் கூடுதல் போட்டிகள் கொண்ட டி20 தொடராக நடத்தப்படும் என்று இங்கிலாந்து கிரிக்கெட் வாரியம் இன்று அறிவித்துள்ளது.
இதுகுறித்து பேசிய இசிபி தலைமை செயல் அதிகாரி டாம் ஹாரிசன்,“நானும் இசிபியின் மூத்த இயக்குனர் மார்ட்டின் டார்லோவும் லாகூருக்கு சென்று, கடந்த சில வாரங்களாக நடந்த சில விஷயங்களை பாகிஸ்தான் கிரிக்கெட் வாரியத்துடன் நேருக்கு நேர் பேச்சுவார்த்தையில் ஈடுபட்டோம்.
இந்த பேச்சுவார்த்தையில் சுற்றுப்பயணம் ரத்து செய்யப்பட்டது குறித்தும், எதிர்கால உறவு குறித்தும் விவாதித்தோம். அதன்படி 2022ஆம் ஆண்டு செப்டம்பர் , அக்டோபர் மாதங்களில் இங்கிலாந்து கிரிக்கெட் அணி பாகிஸ்தானில் சுற்றுப்பயணம் செய்து கூடுதல் இரண்டு டி20 போட்டிகளில் விளையாடும் என்பதை மகிழ்ச்சியுடன் அறிவிக்கிறோம்.
Also Read: T20 World Cup 2021
மேலும் ஆஸ்திரேலியாவில் நடைபெறும் டி20 உலகக்கோப்பை தொடருக்கு பின் டெஸ்ட் தொடரிலும் நாங்கள் விளையாட திட்டமிட்டுள்ளோம்” என்று தெரிவித்தார்.
Win Big, Make Your Cricket Tales Now
